1 Samuele 3:10 - MUKANDA WA MYIDI MUKULU

¹⁰ Maweja-Nangila kufika, kuimana kabidi muaba awu bu misangu mikuabu. Kubikilaye ne: “Samuwele, Samuwele”! Muana kuitaba ne: — Ke meme muntu webe ewu ndi muteleja, ngambilaku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yehowa wakalua, wakimana, wakabikila ne, Samuele, Samuele, bu muakenzeye bikondo bikuabo. Samuele wakamuitaba ne, Ambaku, bualu bua muntu webe udi munvue.

1 Samuele 3:10 ပူးပေါင်းရင်းမြစ်များ

Yoshua 5:14

Muntu awu kuandamuna ne: — Ntshidi mfika amu mpindiewu. Tshiena wa ku luseke luenu, nansha wa ku lua baluishi benu to. Ndi mfumu wa tshikulu tshia Maweja-Nangila. Nanku Yoshuwa kudiela mpala panshi, umuambila ne: — Meme ndi muena mudimu webe. Tshiudi untumina diyi bua meme kuenza ntshinyi?

1 Samuele 12:2

Mpindiewu yeye neandombole. Meme ndi mumane kukola mukalakaje. — Bana banyi ba balume mbamane kukola, munudi amu. — Meme ndi munulombola biangatshile ku buana buanyi too ne mpindiewu.

1 Samuele 3:11

Maweja-Nangila kuambila Samuwele ne: — Nenkengeshe bena Izrayele bikole. Dikenga adi nedikemeshe bikole bantu badi badiumvua.

1 Samuele 3:15

Samuwele kushala mulala too ne mu dinda. Pashishe kuyaye kunzulula biibi bia nzubu wa Mvidi Mukulu. Kadi uvua utshina bua kulondela Eli bionsu bivuaye mumvue kudi Mvidi Mukulu.

1 Samuele 3:21

Maweja-Nangila uvua udimuenesha ku Silo. Bualu ke muaba uvuaye mumuenekela Samuwele bua kumumanyisha meyi ende.

1 Samuele 3:8

Musangu muisatu, Maweja-Nangila kubikila muana: “Samuwele!” Samuwele kujuka kuya kudi Eli, umuambila ne: — Ke meme uuvua ubikila ewu! Musangu ewu, Eli kujadika ne: Maweja-Nangila ke udi ubikila muana ewu.

1 Samuele 3:9

Nanku Eli kuambila Samuwele ne: — Pingana, uye kulala. Pikalabu bakubikila kabidi, witabe ne: “Maweja-Nangila ngambilaku. Meme muntu webe ndi nkuteleja!” Samuwele kupingana, kuya kulala muaba wende.