1 Samuele 29:8 - MUKANDA WA MYIDI MUKULU

⁸ Davide kukonka mukalenga Akishe ne: — Mukalenga Akishe, ndi muenze tshinyi? Biangatshile dituku dimvua mutuadije kukuenzela mudimu too ne mpindiewu, udi mua kumbanda ne bualu kaayi, budi bumpumbisha mua meme kuya kuluangana ne baluishi bebe?

Mukanda wa Nzambi Dihungila Dikulukulu ne Dihungila Dihia-dihia 2003

⁸ Davidi wakebesha Akisha ne, Nakuenza tshinyi? Wakusangana bualu bubi kai munda mua muntu webe musangu wonso unakadi nʼebe tô ne lelu, bua meme tshiyi kuluangana ne bena lukuna ba mukelenge wanyi?

1 Samuele 29:8 ပူးပေါင်းရင်းမြစ်များ

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.

1 Samuele 17:29

Davide kumukonka ne: — Tshibi tshindi muenze ntshinyi? Tshiena mua kuela lukonku anyi?

1 Samuele 20:8

Nanku, wewe undeje muudi munnange. Bualu tudi batue nebe ndondu wa bulunda mu dina dia Maweja-Nangila. Pangikala muenze bualu bubi bua mushindu kaayi, unshipe wewe nkayebe pa mutu pa kumfila kudi tatuebe Shawule.

1 Samuele 26:18

Davide kumukonka kabidi ne: — Mukalenga Shawule, udi wenda unkeba bua tshinyi? Ndi mukuenzele tshinyi? Mbualu bubi kaayi bundi mukuenzele.

1 Samuele 27:10

Pavua mukalenga Akishe ukonka Davide ne: “Lelu udi muluangane ne banganyi?” Davide uvua wandamuna ne: “Ndi muluangane ne bena Yuda badi mu buloba budi kuinshi mu ditunga,” anyi “Ndi muluangane ne bena Yerameli badi mu buloba budi kuinshi mu ditunga,” anyi “Ndi muluangane ne bena Kayine badi mu buloba budi kuinshi mu ditunga.”

1 Samuele 28:2

Davide kuandamuna ne: — Eyowa, mukalenga wewe nkayebe neudimuene tshindi ngenza. Mukalenga Akishe kuandamuna ne: — Mbimpe bitambe! Nanku ndi nkuteka pabuipi nanyi. Wikale undama meme kashidi.

1 Samuele 29:7

Nanku, pingana kuebe ne ditalala, bua bamfumu aba kabafiiki munda to.