1 Samuele 29:3 - MUKANDA WA MYIDI MUKULU

³ Balombodi ba bena mvita ba bena Peleshete kukonkabu ne: — Bena Ebrewu aba mbanganyi? Mukalenga Akishe kuandamuna ne: — Kanuena bamanye Davide uvua muena mudimu wa Shawule, mukalenga wa bena Izrayele. Mpindiewu tudi nende, kukadi bidimu bu bibidi. Biangatshile dituku diakumukaye kudi mfumuende Shawule too ne mpindiewu, tshiena muanji kumubanda ne bualu bubi nansha bumue.

Mukanda wa Nzambi Dihungila Dikulukulu ne Dihungila Dihia-dihia 2003

³ Hashishe baminyampala ba Bena Peleshete bakakonkangana ne. Bena Ebelu aba badi benza tshinyi kunoko? Akisha wakakudimuna baminyampala ba Bena Peleshete ne, Eu ke nDavidi, muntu wa Shaula, mukelenge wa Isalele, wakadi nʼanyi matuku â, nansha bidimu ebi, undi tshiyi musangane bualu bubi kudiye ku dituku diakalueye tô ne katataka, anyi?

1 Samuele 29:3 ပူးပေါင်းရင်းမြစ်များ

Genese 14:13

Muntu uvua munyeme mu mvita ayi, kuya kumanyisha Abrame, muena Ebrewu lumu alu. Abrame uvua muase pabuipi ne mitshi ya tshijila ya Mambre, muena Amore. Mambre ne bana babu Eshekole ne Anere bavua batue ndondu ne Abrame.

1 Kulondolola 12:19

Nanku Mueyelu wa Mvidi Mukulu kutulukila Amashayi, mulombodi wa “Tshisumbu tshia bena mvita Makumi asatu.” Kuelaye lubila, wamba ne: — Tudi nebe, tudi ku luseke luebe wewe, Davide, muana wa Ishayi! Upete diakalenga, wewe ne bonsu badi bakuambuluisha, bualu Maweja-Nangila mmumane kukuambuluisha. Ke Davide kubakidila, kubateka balombodi ba bena mvita bende.

1 Kulondolola 12:20

Bantu ba mu tshisamba tshia Menashe bakafua bamane kumyuangana ne Davide, tshikondu tshivua Davide ne bena Peleshete baye kuluisha Shawule. Bushuwa, Davide ne bantu bavuaye nabu kabavua badisanga ne bena Peleshete bua kuluangana to. Bualu balombodi ba bena mvita ba bena Peleshete bavua babipata, bambilangana munkatshi muabu ne: “Davide neadisange ne mfumuende wa kale Shawule, bua kutufila mu bianza biende.”

Danyele 6:5

Nanku bamfumu bakuabu, ne balombodi ba ditunga, kubanga kukeba tshilema tshiwa Daniyele mua kuikala muenze mu bulombodi buende bua ditunga. Kadi kabawa bamupete ne tshilema nansha tshimue, dipanga nansha dimue, bualu uvua muntu muakane tshishiki. Kabakumusangana ne bualu bua kumupishila.

Yowanane 19:6

Kadi bamfumu ba batuangaji ne balami bamumona, kuelabu mbila ne: — Umupopele ku mutshi mutshiamakane! Umupopele ku mutshi mutshiamakane! Pilate kubambila ne: — Muangatayi nuenu nkayenu, numupopele ku mutshi mutshiamakane. Bualu meme tshiena musangane bualu nansha bumue bundi mua kumufundila tshibawu.

Rome 12:17

Kanupingajidi muntu bubi ku bubi. Nukebe kuenza malu mimpe kumpala kua bantu bonsu.

1 Petro 3:16

Kadi nubandamune ne lutuulu, kabidi ne kanemu. Nudimuke bua kondu kenu ka munda kakanupishi. Nanku badi banusonguela, banujana, bua malu mimpe anudi nuenza, bualu nudi nulonda Kristu, nebafue bundu bua bivuabu bamba abi.

1 Samuele 14:11

Bonsu babidi, kuya kudileja kudi bena Peleshete. Bobu abu kuambilangana ne: “Akia! Monayi bena Ebrewu bapatuke mu biina muvuabu basokome.”

1 Samuele 25:28

Bu wewe musue, umfuileku luse. Bualu meme Abiyayile ndi nkujadikila ne: Maweja-Nangila neafile bukalenga mu nzubu muebe kashidi. Bualu wewe udi uluangana mvita mu dina dia Maweja-Nangila. Kabidi kabena mua kukubanda ne bualu bubi nansha bumue, matuku onsu audi ne muoyi.

1 Samuele 27:1

Davide kuela meji, udiambila ne: “Dituku dikuabu, Shawule ewu neanshipe. Tshiena ne tshikuabu tshindi mua kuenza mpindiewu to. Mbimpe nnyemene mu ditunga dia bena Peleshete. Nanku Shawule nealekele kunkeba mu buloba bujima bua bena Izrayele. Ke mundi mua kumunye-mena.”

1 Samuele 27:7

Davide uvua mushale mu ditunga dia bena Peleshete tshidimu tshimue ne ngondu inayi.

1 Samuele 29:6

Nanku mukalenga Akishe, kubikila Davide umuambila ne: — Bu mudi Maweja-Nangila ne muoyi, ndi mukunange bikole. Mvua mumone ne: udi ukumbana bua tuetu kuya nebe mu mvita. Bualu biangatshile dituku diuvua mufike kuanyi too ne mpindiewu, tshiena muanji kumona wewe muenze bualu bubi to. Kadi, bamfumu bakuabu ba bena Peleshete kabena bakunange to.

1 Samuele 4:6

Bena Peleshete bumvua bibingu abi, kukonkanganabu ne: — Bibingu bikole bidi mu mitanda ya bena Ebrewu mbia tshinyi? Bena Peleshete kujadika ne: mushete wa Maweja-Nangila wafiki mu mitanda ya bena Izrayele.