1 Samuele 28:8 - MUKANDA WA MYIDI MUKULU

⁸ Shawule kuvualaye bilamba bia patupu bua kabamumanyi to. Kuyaye ku Endore ne bantu babidi. Kufikaye ku nzubu kua mukaji awu butuku, umuambila ne: — Ndi musue, ukonkeku mukishi bualu buanyi. Umbikidileku mukishi undi nkuambila.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Shaula wakadifuanyisha bu munga muntu, wakaluata bilulu bikuabo, wakaya ne bantu bandi babidi bakuabo, bakafika kudi mukashi au butuku. Yeye wakamba ne, Ndi nkusengelela ne, Untempe lubuku lua bakishi, umueneshe ku mesu kuanyi muntu undi nkuambila dina diandi.

1 Samuele 28:8 ပူးပေါင်းရင်းမြစ်များ

1 Bakalenga 22:30

Akabe, mukalenga wa bena Izrayele, kuambila Yosafate ne: — Ndi musue kudisokoka, kuvuala bilamba bia muntu mukuabu, bua meme kuya mu mvita. Kadi wewe Yosafate uvuale bilamba bia bukalenga. Nenku, Akabe mukalenga wa bena Izrayele, kudisokoka bu muntu mukuabu, bua kuya mu mvita.

1 Bakalenga 22:34

Muena mvita mukuabu wa bena Siriya kuela muketa mu mpukapuka. Muketa awu, kuasa Akabe, mukalenga wa bena Izrayele. Kubuelawu mu mubidi wende, ku kazaku kende ka mvita. Mukalenga Akabe kuambila muntu uvua wendesha ditempu diende dia mvita ne: — Pingana panyima! Umuka nanyi munkatshi mua bena mvita, bualu tshiena mumvue bimpe to.

1 Kulondolola 10:13

Shawule uvua mufue bualu uvua mutombokele Maweja-Nangila. Uvua mubenge diyi diende. Uvua muye kutempa, bua mikishi imuambile malu avuaye uyikonka,

2 Kulondolola 18:29

Akabe, mukalenga wa Izrayele, kuambila Yosafate ne: — Ndi musue kuya mu mvita mushindu udi bantu kabammanyi. Nanku nemvuale bilamba bia patupu bua ngenze bu muntu mukuabu. Kadi wewe Yosafate uvuale bilamba biebe bia bukalenga. Nanku Akabe, mukalenga wa Izrayele, mumane kuvuala bilamba bia patupu, kuyabu mu mvita.

2 Kulondolola 35:22

Kadi Yoshiya uvua anu musue kuluisha Neko. Kavuamuteleje miaku ivuabu bamutumine kudi Mvidi Mukulu mene. Yoshiya kuvuala bilamba bia muntu mukuabu bua kabamumanyi. Kuyaye mu mpata wa Megido bua kuluangana mvita.

Yeshaya 8:19

Bantu bakuabu badi bamba ne: “Nukonke bakishi malu, bualu badi batumanyisha malu adi kaayi manji kuenzeka. Nukonke bena mbuku, bakuambile malu ku ditshi. Bualu tshisamba tshionsu tshidi tshikonka mvidie yatshi, tshikonka bakishi buakulongolola malu a bantu badi panu.” Padibu bakuambila nanku,

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

Yezekiyele 12:6

Bantu bamone muudi ubiambula pa makaya, umuka nabi, ubuela mu midima. Udibuikile ku mesu bua kumonyi kuudi uya. Ndi nkutuma nanku bua umanyishe bena Izrayele malu onsu andi ne bua kubenzela.

Yowanane 3:19

Telejayi mudi tshilumbu pa buloba: butoke mbufike pa buloba, kadi bantu kunanga bikole miidima kumpala kua butoke, bualu badi benza malu mabi.