1 Samuele 28:6 - MUKANDA WA MYIDI MUKULU

⁶ Shawule kukonka Maweja-Nangila tshia kuenza. Kadi Maweja-Nangila kena mumuandamune nansha mu tshilota, nansha ku Urime ne Tumime, nansha kudi muambi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Shaula wakakonka Yehowa lungenyi, kadi Yehowa kakamuitaba, nansha mu tshilota nansha ku Ulima, nansha kudi baprofete.

1 Samuele 28:6 ပူးပေါင်းရင်းမြစ်များ

2 Samuele 22:42

Nansha bobu bakenzakane udi mua kubambuluisha, badi batangila bapanga. Badi basengelela Maweja-Nangila, kadi kena wandamuna.

Misambu 74:9

Kakutshiena bidi bileja ne: wewe udi munkatshi muetu. Bambi kabatshiena bamanyisha malu. Kakuena wa kutudi udi mumanye ne: ebi nebijike diba kaayi.

Ekesode 28:20

Mulongu muinayi wikale ne mabue a krisolite, komaline ne yaspe. Dibue dionsu dikale dibueja mu disosu dia tshiamu tshia mpawungi didi ku tshilamba tshia pa tshiadi.

Ekesode 28:30

Wewe Moshe, ubueje Urime ne Tumime mu tshilamba tshia pa tshiadi, tshia kuvuala pa kulumbulula. Arone ikale uvuala bintu abi misangu yonsu padiye wimana kumpala kuanyi meme Maweja-Nangila, bua kumanya tshindi musue kuenzela bena Izrayele.

Nsumuinu 27:1

Kuditambishi bua malu adi mua kuenzeka malaba, bualu kuena mumanye tshidi mua kuenzeka lelu.

Yirmeya 23:28

Padi muambi ulota ndota, mbimpe awule anu ndota yende! Kadi padiye ne bualu bundi mumuambile bua kumanyisha bantu, abuambe anu bu mudibu. Ki mbimpe kufuanyikija mpengelane nyimu to. Meme Maweja-Nangila ndi ngamba nanku!

Muadi 2:9

Biibi bia tshimenga kupuka. Mvidi Mukulu kutshibula milonda ya kukanga nayi biibi abi. Mukalenga ne balombodi ba mu bukalenga buende, badi mu bianza bia bantu ba bisamba bikuabu. Kakuena muntu udi mua kuamba tshidi Mvidi Mukulu musue; nansha bambi mene kabatshiena bapeta mukenji wa kudi Mvidi Mukulu.

Lewitiki 8:8

Kumuladika tshilamba tshia pa tshiadi, kubuejamu Urime ne Tumime.

Mika 3:7

Bantu bonsu badi bamba malu adi kaayi manji kuenzeka, nebadibuikile bilamba ku mesu, bua kusokoka bundu buabu, bualu Mvidi Mukulu kena ukumbaja bidibu bamba.

Dibadika 12:6

Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

Dibadika 27:21

Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Matayi 1:20

Kadi patshivuaye wela meji awu, mutumibue wa Maweja-Nangila kumumuenekela mu tshiota, umuambila ne: — Yozefe, muana wa Davide, kutshinyi kuangata mukajebe Mariya, bualu difu didiye nadi ndia ku bukole bua Mueyelu wa Tshijila.

Yowanane 9:31

Tudi bamanye ne: Mvidi Mukulu kena uteleja benji ba malu mabi. Kadi udi uteleja muntu udi umunemeka, ukumbaja bidiye musue.

Dielulula 33:8

Moshe kuela ndelanganyi ya bena Levi lupemba, wamba ne: “Maweja-Nangila, udi mupeshe batuangaji, ndelanganyi ya Levi, Urime ne Tumime, bintu bia tshijila, bualu badi bakuitaba muabu muonsu. Uvua mubatete ku Masa, mubabingishe ku mayi a Meriba.

Yakobe 4:3

Panudi nulomba, kanuena nupeta, bualu meji anudi nubilomba nawu, adi mabi. Nudi basue kubipeta bua kudisankisha amu nkayenu.

1 Samuele 14:37

Nanku Shawule kukonka Mvidi Mukulu ne: — Ndi mua kulondakaja bena Peleshete anyi? Wewe Maweja-Nangila neufile bena Peleshete mu bianza bietu anyi? Mvidi Mukulu kena mumuandamune dituku adi to.

1 Samuele 28:15

Mukishi wa Samuwele kukonka Shawule ne: — Meme mumane kuikisha, udi mumbishe bua tshinyi? Udi umbikila bua tshinyi? Shawule kuandamuna ne: — Bualu ndi nkenga bikole. Bena Peleshete mbafike bua kunduisha. Maweja-Nangila mmumane kumbenga. Kena ungandamuna nansha kudi bambi, nansha mu tshilota. Ke pandi mukubikile bua wewe ungambile tshindi mua kuenza.

1 Samuele 28:5

Shawule umona amu mitanda ya bena Peleshete, kumvuaye bowa bikole. Kutuadijaye kuzakala.