1 Samuele 28:15 - MUKANDA WA MYIDI MUKULU

¹⁵ Mukishi wa Samuwele kukonka Shawule ne: — Meme mumane kuikisha, udi mumbishe bua tshinyi? Udi umbikila bua tshinyi? Shawule kuandamuna ne: — Bualu ndi nkenga bikole. Bena Peleshete mbafike bua kunduisha. Maweja-Nangila mmumane kumbenga. Kena ungandamuna nansha kudi bambi, nansha mu tshilota. Ke pandi mukubikile bua wewe ungambile tshindi mua kuenza.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Samuele wakebesha Shaula ne, Wakantatshisha bua kumbisha nunku bualu kai? Shaula wakamuitaba ne, Bualu bua ndi ntamba kutata. Bualu bua Bena Peleshete bakalua kuluangana nʼanyi ne Nzambi wakandekela, kena muitabe kundi kabidi nansha kudi baprofete nansha ku bilota: nunku nakukubikila bua wewe kummanyisha tshindi mua kuenza.

1 Samuele 28:15 ပူးပေါင်းရင်းမြစ်များ

Misambu 51:11

Kutangidi bilema bianyi, kupula bubi buanyi buonsu.

Nsumuinu 14:14

Muntu muena malu mabi neapete tshibawu tshia pa bubi buende. Bidi muntu muakane upeta nebimusankishe.

Osheya 9:12

Nansha bobu bakolesha bana, nembumushe panu, kabayi banji kufika ku bantu. Pangikala mumane kubenga bena Efrayime, nebashale bena diakabi!

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Balombodi 16:20

Ke Dalila kuela diyi, wamba ne: — Shimeshone, bena Peleshete badi apa bua kukuluisha! Shimeshone utabuluka, kuelaye meji ne: nengikale ne bukole, nendipandishe bu mumvua ngenza. Bualu kavua mumanye muvua Maweja-Nangila kayi mua kumuambuluisha kabidi to.

1 Samuele 18:12

Shawule kutshina Davide. Bualu uvua mujadike ne: Maweja-Nangila mmumane kumbenga, musungule amu Davide.

1 Samuele 23:2

Ke Davide kukonka Maweja-Nangila ne: — Ndi ne bua kuluisha bena Peleshete aba anyi? Maweja-Nangila kuandamuna ne: — Eyowa, ubaluishe! Nanku neusungidile bena Keyila.

1 Samuele 23:4

Davide kukonka Maweja-Nangila tshiakabidi, Maweja-Nangila kuandamuna ne: — Juka, uye mu tshimenga tshia Keyila! Nemfile bena Peleshete mu bianza biebe.

1 Samuele 28:11

Mukaji kukonka Shawule ne: — Udi musue nkubikidile mukishi wa nganyi? Shawule kuandamuna ne: — Umbikidile mukishi wa Samuwele.

1 Samuele 28:16

Mukishi wa Samuwele kukonka Shawule ne: — Udi unkonka meme tshia kuenza bua tshinyi? Udi mumone ne: Maweja-Nangila mmumane kukubenga mmushale muluishi webe.

1 Samuele 28:6

Shawule kukonka Maweja-Nangila tshia kuenza. Kadi Maweja-Nangila kena mumuandamune nansha mu tshilota, nansha ku Urime ne Tumime, nansha kudi muambi.

1 Samuele 28:8

Shawule kuvualaye bilamba bia patupu bua kabamumanyi to. Kuyaye ku Endore ne bantu babidi. Kufikaye ku nzubu kua mukaji awu butuku, umuambila ne: — Ndi musue, ukonkeku mukishi bualu buanyi. Umbikidileku mukishi undi nkuambila.

1 Samuele 30:6

Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.