1 Samuele 27:4 - MUKANDA WA MYIDI MUKULU

⁴ Shawule umvua lumune: Davide mmunyemene ku Ngate, kulekelaye kumukeba.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bakambila Shaula ne, Davidi wakanyemena mu Gata; yeye kakamukebulula kabidi.

1 Samuele 27:4 ပူးပေါင်းရင်းမြစ်များ

2 Samuele 15:18

Bena mudimu ba mukalenga Davide bonsu, kutuadija kuenda kumpala kua mukalenga: bena Kereti ne bena Peleti, bena mvita bavua balame mukalenga; pashishe bena mvita nkama isambombu ba bena Ngate bavua ku luseke lua mukalenga Davide. Bonsu kuendabu kumpala kua mukalenga Davide bua abamone.

1 Samuele 26:21

Shawule kuandamuna ne: — Ndi muenze bibi! Muananyi Davide, pingana, tshiena nkuenzela bibi kabidi to. Bualu butuku ebu, udi munnemeke, kuena munshipe to. Meme ndi anu bu muntu udi kayi ne lungenyi. Ndi mutupakane bikole.

1 Samuele 27:3

Kusombabu bonsu mu Ngate, pabuipi ne Akishe. Muntu yonsu wa bantu bavua nabu Davide uvua ne bena nzubu wende. Davide uvua ne bakaji bende babidi, Akinowame wa Yizreyele, ne Abigayile, muena Karmele, mukaji mukamba uvua Nabale mushiye.

1 Samuele 27:5

Dituku dikuabu, Davide kuebeja Akishe ne: — Mukalenga, pawikala mumone bindi ngenza ne bidi bindengelela, anyisha bua meme kusomba mu musoku mukuabu wa ku misoku idi mu mpata. Bualu ki mbimpe bua meme kusomba nebe pamue mu tshimenga tshia bukalenga to.