1 Samuele 27:1 - MUKANDA WA MYIDI MUKULU

¹ Davide kuela meji, udiambila ne: “Dituku dikuabu, Shawule ewu neanshipe. Tshiena ne tshikuabu tshindi mua kuenza mpindiewu to. Mbimpe nnyemene mu ditunga dia bena Peleshete. Nanku Shawule nealekele kunkeba mu buloba bujima bua bena Izrayele. Ke mundi mua kumunye-mena.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Davidi wakamba mu mutshima wandi ne, Meme nenfue dituku dikuabo ku tshianza tshia Shaula; kakuena bualu budi butamba buimpe kundi bu mudi kunyemena mu buloba bua Bena Peleshete; Shaula neahange kunkeba mu matshika a buloba bua Isalele, nunku nempanduke mu tshianza tshiandi.

1 Samuele 27:1 ပူးပေါင်းရင်းမြစ်များ

1 Bakalenga 12:26

Yerobowame kudikonka, wamba ne: “Mushindu udi bulongolodi bua ditunga mpindiewu, bantu ba mu bukalenga buanyi badi mua kupingana kudi bena nzubu wa Davide.

1 Bakalenga 12:28

Mukalenga Yerobowame kuela meji, ukeba tshia kuenza. Pashishe kuenzaye tuana tua ngombe tubidi tua tshiamu tshia mpawungi. Kuambilaye bena Izrayele ne: — Nuvua nuya mu Yerushalayime misangu yonsu. Kadi mpindiewu kanuyi kabidi mu Yerushalayime to. Tangilayi Mvidi Mukulu wenu uvua munupatule mu Ejipitu udi muaba ewu.

1 Bakalenga 19:3

Muambi Eliya kumvua bowa, kunyema ne muena mudimu wende bua kushala ne muoyi. Kuyaye ku Bersheba mu ditunga dia bena Yuda. Kushiyaye muena mudimu wende mu ditunga adi.

2 Kulondolola 25:17

Amashiya, mukalenga wa bena Yuda, uvua ulonda meji makuabu. Kutumaye bantu kudi Yowashe, mukalenga wa bena Izrayele, muana wa Yowakase, muikulu wa Yeku, bua kumuambila ne: “Fika kunu! Tuluangane nebe!”

Misambu 116:11

Mvua ndubakana ngamba ne: “Kakuena muntu undi mua kutekemena!”

Misambu 55:7

Ke meme kujinga ne: “Bu meme ne mapuapua bu nkudimba! Mvua mua kunyema mutantshi mule, bua kupeta dikisha mu tshipela.

Ekesode 14:12

Tuvua bamane kukuambila ne: “Utulekele, tuikale bapika ba bena Ejipitu. Bualu mbimpe kuenzela bena Ejipitu mudimu pa mutu pa kufuila mu tshipela!”

Nsumuinu 13:12

Kupanga kukumbajila muntu bualu, kudi kumutekesha ku muoyi. Dijinga didibu bakumbaja didi mpokolu wa muoyi.

Yeshaya 51:12

Maweja-Nangila udi wamba ne: Udi unusamba ke meme! Amu meme nkayanyi! Bantu banyi, munudi nutshina muntu mmunyi? Muntu yonsu udi unenga katupa kipi bu bisosa, ufua.

Dibadika 14:3

Maweja-Nangila mmusue kutubueja mu ditunga dia Kenaane bua kutubutula mu mvita anyi? Bakaji betu ne bana nebashale bapika. Mbimpe tupingane mu Ejipitu!

Matayi 14:31

Diakamue Yezu kolola tshianza, kumukuata, wamba ne: — Akia! Ditaba diebe ndikese be! Udi upampakana bua tshinyi?

Marke 4:40

Pashishe Yezu kubakonka ne: — Nudi ne bowa nenku bua tshinyi? Kanuena ne ditaba anyi?

2 Korente 7:5

Nansha patuvua bafike ku Masedoniya, katuvua ne dikisha nansha dikese. Tuvua bapete ntatu nseke yonsu: baluishi bavua batutatshisha; tuvua kabidi ne dipampakana mu muoyi.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

1 Samuele 20:3

Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.

1 Samuele 22:5

Dituku dikuabu, muambi Ngade kuambila Davide ne: — Kushadi kabidi ku lubuebue elu luudi munyemena to. Pingana mu ditunga dia bena Yuda. Nanku, Davide kumuka kuya mu ditu dia Erete.

1 Samuele 23:17

Kuambilaye Davide ne: — Kuena mua kutshina to. Tatu wanyi Shawule kena mua kukupeta to. Wewe newikale mukalenga wa bena Izrayele. Meme nengikale anu tshindonda tshiebe. Tatu mmumanye bionsu ebi.

1 Samuele 25:30

Pikala Maweja-Nangila mukumbaje malu mimpe onsu adiye mukulaye, pikalaye mukuteke mukalenga wa bena Izrayele,

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”

1 Samuele 29:2

Bamfumu ba bena Peleshete kuenda, balombola bisumbu bia bena mvita. Davide ne bantu bende bavuaye nabu, ne mukalenga Akishe, bavua balonda panyima.

1 Samuele 29:3

Balombodi ba bena mvita ba bena Peleshete kukonkabu ne: — Bena Ebrewu aba mbanganyi? Mukalenga Akishe kuandamuna ne: — Kanuena bamanye Davide uvua muena mudimu wa Shawule, mukalenga wa bena Izrayele. Mpindiewu tudi nende, kukadi bidimu bu bibidi. Biangatshile dituku diakumukaye kudi mfumuende Shawule too ne mpindiewu, tshiena muanji kumubanda ne bualu bubi nansha bumue.