1 Samuele 26:8 - MUKANDA WA MYIDI MUKULU

⁸ Abishayi kuambila Davide ne: — Butuku ebu, Mvidi Mukulu mmufile Shawule, muluishi webe mu bianza biebe. Itaba, meme nenye kumutua difuma diende, dipatuka ditua ne mu buloba. Ndi mmutua difuma anu musangu umue. Tshiakumutua musangu muibidi to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe Abishai wakambila Davidi ne, Nzambi wakafila muena lukuna webe mu tshianza tshiebe lelu; ndi nkusengelela ne, Witabushe bua meme kumudia ne difuma diandi, dimusompoke kabidi anu tshikondo tshimue, tshiena mmutua tshikondo tshibidi.

1 Samuele 26:8 ပူးပေါင်းရင်းမြစ်များ

2 Samuele 16:9

Abishayi, muana wa Seruya kuambila Davide ne: — Mukalenga, Shimeyi ewu udi bu mbua mumane kufua. Kena mua kukupenda musangu mule nenku to. Itabe, nye kumukosa mutu.

Misambu 31:8

Ndi nsanka, ntshionkomoka, bualu uvua mungenzele bimpe, mumone dikenga dianyi, muvuluke dibungama dianyi.

Yirmeya 40:15

Ke Yowanane kuya ku Mispa mu musokoku kudi Ngedaliya umukonka ne: — Udi musue bua nye kushipa Ishemayele anyi? Muntu kakumanya bualu to. Katuena mua kuanyisha bua akushipe to. Yeye mukushipe, bena Yuda baudi wewe musangishe nebatangalake tshiakabidi. Bantu bonsu batshidi basomba mu bukalenga bua Yuda nebabutuke!

Nahume 1:9

Nudi nutombokela Maweja-Nangila bua tshinyi? Yeye ke udi ubutula baluishi benu kashidi, kabayi mua kunukengesha tshiakabidi.

Rome 11:32

Bualu Mvidi Mukulu uvua mubueje bantu bonsu mu buntomboji, bua amone mua kubafuila bonsu luse.

Dielulula 32:30

Pandi meme Maweja-Nangila, lubuebue ludi bukole buabu, mbafila mu bianza bia baluishi babu, muluishi umue neatshimune bena Izrayele tshinunu, baluishi babidi nebanyemeshe bena Izrayele binunu dikumi.

Yoshua 21:44

Maweja-Nangila kubapesha ditalala ku mikalu yabu yonsu, bu muvuaye mumane kulaya bankambua babu. Bobu kutshimuna baluishi babu bonsu ku bukole bua Maweja-Nangila. Kakuvua muntu nansha umue uvua mua kupita bena Izrayele ku bukole to.

Balombodi 1:4

Kuyabu kuluisha bena Kenaane. Maweja-Nangila kubambuluisha, bua batshimune bena Kenaane ne bena Perizi. Kushipabu bantu balume binunu dikumi mu Bezeke.

1 Samuele 23:14

Davide kuya mu tshipela tshia Zife, kusomba mu mbuebue ivua ku mikuna. Dituku dionsu, Shawule uvua anu ukeba Davide. Kadi Mvidi Mukulu kavua musue kufila Davide mu bianza bia Shawule to.

1 Samuele 24:4

Shawule upitshila muaba uvua bikumbi bia mikoku pabuipi ne njila, kumonaye lubuebue, kubuelaye mu lubuebue alu bua kusesuka. Kadi, Davide ne bantu bavuaye nabu, bavua basokome munda mua lubuebue alu ku luseke.

1 Samuele 24:5

Bantu bavua nabu Davide kumuambila bitekete ku ditshi ne: — Ke dituku divua Maweja-Nangila mukulaye, mukuambile ne: “Dituku dikuabu, nemfile muena lukuna webe mu bianza biebe bua umuenzele muudi musue.” Ke Davide kusemena mu musokoku, kukosaye tshipesa tshia muntumpu wa Shawule.

1 Samuele 26:23

Maweja-Nangila enzela muntu yonsu wa kutudi, bilondeshile buakane buende, ne mushindu udiye mulamate Maweja-Nangila. Lelu, Maweja-Nangila uvua mukufile mu bianza bianyi. Kadi tshiena musue kukushipa to. Bualu wewe udi mukalenga musungula kudi Maweja-Nangila.

1 Samuele 26:7

Munkatshi mua butuku, Davide ne Abishayi kuya mu mitanda, muaba uvua bena mvita ba Shawule. Shawule uvua mulale tulu, munkatshi mua mitanda. Difuma diende divu diasa panshi ku mutu wende. Abnere ne bena mvita, bavua balale, bela Shawule munkatshi.

1 Samuele 26:9

Davide kubenga ne: — Nansha, kumushipi to. Udi wela meji ne: muntu udi mushipe muntu udi Maweja-Nangila musungule, kena mua kupeta dinyoka anyi?