1 Samuele 26:6 - MUKANDA WA MYIDI MUKULU

⁶ Davide kubikila Akimeleke, muena Iti, ne Abishayi. (Abishayi ne Yowabe bavua bana ba Seruya, yayende wa Davide). Davide kubakonka ne: — Nnganyi wa kunudi utudi mua kuya nende too ne ku mitanda ya Shawule? Abishayi kuitaba ne: — Netuye nebe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hashishe Davidi wakebesha Ahimeleke, Muena Hiti, ne Abishai, muana wa Seluya, muanʼabo ne Yoaba, ne, Udi musue kuhueka nʼanyi kudi Shaula mu tshitudilu tshiandi nganyi? Abishai wakamuambila ne, Meme nenye nʼebe.

1 Samuele 26:6 ပူးပေါင်းရင်းမြစ်များ

Genese 10:15

Kenaane kulela bana ba balume babidi: Sidone muanabute, ne muakunyende Ete.

Genese 15:20

dia bena Iti, dia bena Perizi, dia bena Refayime,

Genese 23:3

Patshivua tshitalu tshia Sara katshiyi tshianji kujika, Abrahame kuya kudi ndelanganyi ya Ete, kubambila ne:

Genese 26:34

Esawu mumane kukumbaja bidimu makumi anayi, kuselaye bakaji babidi: Yehudite, muana wa Beri, muena Iti, ne Basmate, muana wa Elone, muena Iti kabidi.

2 Samuele 11:21

Uvua mushipe Abimeleke, muana wa Yerubaale, ku Tebese nnganyi? Uvua anu muntu mukaji! Mukaji awu uvua mubande kulu pa tshimana tshia tshimenga. Kuasaye Abimeleke dibue dia mpelu. Abimeleke kufila! Kadi nuenu, nuvua basemena pabuipi ne bimana bua tshinyi? Pikala mukalenga Davide mukukonke nanku, umuambile ne: ‘Mulombodi wa bena mvita, Uriya muena Iti, mmufue kabidi.’ ”

2 Samuele 11:24

Kadi bantu bavua kulu ku bimana, ne mata ne miketa, kutuasa miketa. Nanku balombodi ba bena mvita bebe bakuabu mbalue, ne Uriya, muena Iti, mmufue kabidi.

2 Samuele 11:6

Ke Davide kutuma diyi lukasa kudi Yowabe, mfumu mulombodi wa bena mvita ne: — Untumine Uriya, muena Iti. Yowabe kumutumina Uriya.

2 Samuele 12:9

Kadi wewe, kuena munemeke mikenji yanyi bua tshinyi? Udi muenze bindi mbenga bua tshinyi? Udi mushipe Uriya, muena Iti, ku muela. Eyowa, udi muenze muebe muonsu, bua bena Amone bashipe Uriya. Pashishe wewe kuangata mukajende, kumusela.

2 Samuele 18:5

Mukalenga Davide kuambila kabidi Yowabe, Abishayi ne Itayi, ne: — Ndi nnusengelela, kanuenzedi muananyi Absalome bibi to. Bena mvita bonsu bavua bumvue pavua Davide welela balombodi mukenji awu.

2 Samuele 2:13

Yowabe, muana wa Seruya, ne bena mvita bavua balame Davide, kutuadijabu kabidi luendu. Bisumbu ebi bibidi bia bena mvita, kusambakena pabuipi ne dijiba dia Ngibone. Kuelabu mualu wa mvita, aba ku luseke, bakuabu ku luseke lua dijiba adi.

2 Samuele 2:18

Bana ba Seruya basatu bavua mu mvita amu, Yowabe, Abishayi ne Ashayele. Ashayele uvua mupepele, unyema lubilu bu nyama wa kabuluku.

2 Samuele 23:18

Abishayi, muanabu ne Yowabe, ne mansebende wa Davide, uvua mfumu wa “Tshisumbu tshia bena mvita Makumi asatu.” Dituku dikuabu, kushipaye ne musongolu baluishi nkama isatu. Kupetaye lumu lunene mu “Tshisumbu tshia bena mvita Makumi asatu.”

2 Samuele 23:34

Elifelete, muana wa Akasbayi ne muikulu wa muntu wa Maaka; Eliyame, muana wa Akitofele, wa mu tshimenga tshia Ngilo;

2 Samuele 23:39

Uriya, muena Iti. Bonsu basanga bavua makumi asatu ne muanda mutekete.

1 Bakalenga 10:29

Ditempu dia mvita dimue dia mu Ejipitu, divua ne mushinga wa nkanu mitoke ya mushinga mukole nkama isambombu. Nyama wa kabalu umue, uvua ne mushinga wa nkanu mitoke ya mushinga mukole lukama ne makumi atanu. Bangenda mushinga aba, bavua basumbila kabidi bakalenga ba bena Iti ne ba bena Siriya bintu abi.

2 Bakalenga 7:6

Bena Siriya bavua mu mitanda, Maweja-Nangila uvua mumane ibatshinyisha ne mutoyi mukole wa bena mvita, bikale ne nyama ya tubalu ne matempu a mvita. Ke bena Siriya kuambilangana ne: “Yorame, mukalenga wa bena Izrayele, mmumane kufuta bakalenga ba bena Iti ne ba bena Ejipitu bua batume bena mvita babu bua kutuluisha.”

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.

1 Samuele 26:7

Munkatshi mua butuku, Davide ne Abishayi kuya mu mitanda, muaba uvua bena mvita ba Shawule. Shawule uvua mulale tulu, munkatshi mua mitanda. Difuma diende divu diasa panshi ku mutu wende. Abnere ne bena mvita, bavua balale, bela Shawule munkatshi.