1 Samuele 26:24 - MUKANDA WA MYIDI MUKULU

²⁴ Bu mundi muangate muoyi webe ne mushinga, Maweja-Nangila angate kabidi muoyi wanyi ne mushinga, ansungidile mu makenga onsu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Nunku mona, bu muakadi muoyo webe bu tshintu tshia mushinga mukole ku mesu kuanyi lelu, muoyo wanyi wikale bu tshintu tshia mushinga mukole ku mesu kua Yehowa, yeye ansungile mu makenga onso.

1 Samuele 26:24 ပူးပေါင်းရင်းမြစ်များ

Genese 48:16

Mutumibue wa Mvidi Mukulu, uvua mungepule ku malu mabi onsu, neele bana banyi aba lupemba. Dina dianyi ne dia bankambua banyi, Abrahame ne Izake, disanguke ku bukole bua bana ba balume aba! Bana aba bikale ne ndelanganyi ya bungi, buwuje ditunga edi!

2 Samuele 4:9

Davide kuela mbila ne: — Bu mudi Maweja-Nangila ne muoyi, udi unsungidila ku makenga onsu,

Misambu 144:2

Yeye ke ditekemena dianyi ne tshisokomenu tshianyi, muaba wanyi mukole undi nsokomena, ne ngabu wanyi wa lupandu. Yeye ngudi untekeshila bisamba bia bantu.

Misambu 18:1

Musambu wa mu mukanda wa misambu ya Davide, wa mu mukanda wa mulombodi wa bena misambu. Davide muntu wa Mvidi Mukulu uvua wambila Maweja-Nangila miaku eyi pavuaye mumane kumupatula mu bianza bia baluishi bende, nangananga bia Shawule.

Misambu 18:25

Maweja-Nangila mmunsankishe, bualu ndi mumutumikile. Udi mumanye mumvua muenze amu bidiye musue.

Misambu 18:48

Amu ku bukole buende, ndi ntshimuna baluishi, bitaba bumfumu buanyi.

Misambu 34:20

Udi munange Mvidi Mukulu udi ne makenga mavule, kadi Maweja-Nangila udi umupandisha ku onsu

Misambu 54:7

Mvidi Mukulu, upingajile baluishi banyi malu mabi avuabu bangenzele. Ubabutule bapuwe. Uleje muudi ukumbaja malaya ebe.

Matayi 5:7

Bantu badi bafuila bakuabu luse, ke bena diakalenga, bualu Mvidi Mukulu neabafuile luse!

Matayi 7:2

Mushindu unudi nulumbuluisha bakuabu, Mvidi Mukulu neanulumbuluishe kabidi nanku. Neanupime munudi nupimangana.

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

2 Tesalonike 3:2

Lombayi kabidi bua Mvidi Mukulu atusungidile ku bianza bia bantu babi, ne bia bena malu mabi. Bualu bantu kabena basue bonsu kuitaba.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

1 Samuele 18:30

Tshikondu atshi, bamfumu ba bena Peleshete kuya mu mvita bua kuluangana ne bena Izrayele. Kadi mu mvita yonsu, Davide uvua upete anu tshipeta tshimpe, tshipite tshia balombodi ba bena mvita ba Shawule bakuabu bonsu. Ke muvuaye mupete lumu lunene kudi bantu.

1 Samuele 24:16

Nanku, Maweja-Nangila neatulumbuluishe nebe. Yeye antangile, angakuile. Neakose tshilumbu tshianyi. Neansungidile mu bianza biebe.