1 Samuele 26:21 - MUKANDA WA MYIDI MUKULU

²¹ Shawule kuandamuna ne: — Ndi muenze bibi! Muananyi Davide, pingana, tshiena nkuenzela bibi kabidi to. Bualu butuku ebu, udi munnemeke, kuena munshipe to. Meme ndi anu bu muntu udi kayi ne lungenyi. Ndi mutupakane bikole.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Hashishe Shaula wakamba ne, Nakuenza bibi; hingana, muanʼanyi Davidi, bualu bua tshiena nkuenzela bibi tshikondo tshikuabo, bualu bua muoyo wanyi wakadi bu tshintu tshia mushinga mukole ku mesu kuebe lelu; mona, nakuenza bu muntu muhote, nakutamba kuhambuka.

1 Samuele 26:21 ပူးပေါင်းရင်းမြစ်များ

2 Bakalenga 1:13

Musangu muisatu, mukalenga Akaziya kutuma kabidi mulombodi mukuabu ne bena mvita makumi atanu. Kubandabu pa mukuna. Anu bamone Eliya, mulombodi wa bena mvita kutuaye binu panshi, utendakena Eliya, wamba ne: — Muambi wa Mvidi Mukulu, kunshipi, kabidi kushipi bantu aba makumi atanu bandi nabu!

2 Bakalenga 1:14

Ndi mumanye ne: kapia kavua kafuma mu diulu ke kavua kabutula balombodi ba bena mvita babidi ba kumpala, ne bantu bavuabu nabu. Nanku, ndi nkusengelela, kunshipi to!

Misambu 116:15

Maweja-Nangila udi ubungama bikole, padi bantu badi bamulamata bafua.

Misambu 49:8

Kadi kakuena udi mua kupikula muoyi wa muntu mukuabu, nansha kudipikula wende yeye mene kudi Mvidi Mukulu.

Misambu 72:14

Neabepule ku tshinyangu ne kabutu, bualu udi ubananga, musue bua bashale ne muoyi.

Ekesode 9:27

Mukalenga wa bena Ejipitu kubikidisha Moshe ne Arone, kubambila ne: — Maweja-Nangila mmuenze amu bimpe, kena ne bualu to. Meme ne bantu banyi tudi benze bibi.

Dibadika 22:34

Balaame kuandamuna mutumibue ne: — Ndi muenze tshilema. Tshivua mumanye ne: wewe ke uvua muimane mu njila kumpala kuanyi. Kadi bu mudi luendu alu kaluyi lukusankisha, ndi mua kupingana kuanyi.

Matayi 27:4

Kubambilaye ne: — Ndi muenze bibi, mufikishe ku lufu muntu udi kayi ne bualu. Kadi kumuandamunabu ne: — Bualu buetu anyi? Abu mbualu buebe!

1 Samuele 13:13

Samuwele kuandamuna ne: — Udi muenze bualu bubi budibu benza kudi muntu udi kayi ne lungenyi to! Kuena munemeke bionsu bivua Maweja-Nangila Mvidi Mukulu webe mukuambile to. Bu wewe muenze bionsu bivuaye mukuambile, nanku Maweja-Nangila uvua mua kuitaba bua diku diebe dishale diku dia bukalenga bua bena Izrayele kashidi.

1 Samuele 15:24

Shawule kuandamuna ne: — Ndi muenze bibi. Tshiena mutumikile diyi dia Maweja-Nangila, tshiena muteleje mibelu yebe wewe. Kadi mvua ne bowa, ntshina bena mvita. Ke pandi muenze bionsu bivua bena mvita bajinga.

1 Samuele 15:30

Shawule kumuambila ne: — Ndi mumane kuenza bibi. Kadi ndi nkutendakena ne: unnemekeku kumpala kua bakulu, ne kua bena Izrayele bakuabu bonsu. Tupingane nebe bua meme kuya kutendelela Maweja-Nangila Mvidi Mukulu webe.

1 Samuele 18:30

Tshikondu atshi, bamfumu ba bena Peleshete kuya mu mvita bua kuluangana ne bena Izrayele. Kadi mu mvita yonsu, Davide uvua upete anu tshipeta tshimpe, tshipite tshia balombodi ba bena mvita ba Shawule bakuabu bonsu. Ke muvuaye mupete lumu lunene kudi bantu.

1 Samuele 24:17

Davide ujikija kuakula, Shawule kumukonka ne: — Mulunda wanyi Davide, udi wakula nanku ngwewe menemene anyi? Shawule kudila muadi bikole.

1 Samuele 26:22

Davide kuandamuna ne: — Mukalenga Shawule, difuma diebe ndiodi edi. Muntu umue wa ku bena mudimu bebe, alue kukuangatshiladi.

1 Samuele 26:24

Bu mundi muangate muoyi webe ne mushinga, Maweja-Nangila angate kabidi muoyi wanyi ne mushinga, ansungidile mu makenga onsu.

1 Samuele 27:4

Shawule umvua lumune: Davide mmunyemene ku Ngate, kulekelaye kumukeba.