1 Samuele 26:19 - MUKANDA WA MYIDI MUKULU

¹⁹ Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Katataka ndî nkusengelela ne, Mukelenge wanyi unvue mei a muntu wandi. Bikala Yehowa nguakakusonsolola bualu buanyi, yeye itabushe mulambu; kadi bikala bantu mbakenza nunku, bobo bedibue mulau kudi Yehowa, bualu bua bobo bakungihata lelu bua meme tshikadi mu buhianyi bua Yehowa, badi bangambila ne, Ya, ukuatshile nzambi mikuabo mudimu.

1 Samuele 26:19 ပူးပေါင်းရင်းမြစ်များ

Genese 44:18

Yuda kusemena pabuipi ne Yozefe, kumuambila ne: — Mukalenga, ndi musue kukuambila bualu. Kumfikidi munda to. Wewe udi mulongu umue ne mukalenga wa bena Ejipitu.

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

2 Samuele 14:16

Udi mua kunsungidila mu bianza bia muntu udi ukeba mua kunshipa, kushipa kabidi ne muananyi, kutumusha munkatshi mua tshisamba tshia bantu badi Mvidi Mukulu musungule.”

2 Samuele 16:10

Mukalenga Davide kumukonka ne: — Wewe Abishayi ne muanenu Yowabe, nudi nubuelakana mu bualu ebu bua tshinyi? Pikala muntu ewu umpenda, misangu mikuabu Maweja-Nangila ke udi mumutume bua kumpendaye. Nanku muntu kena mua kumutandisha to.

2 Samuele 16:11

Mukalenga Davide kuambila kabidi balombodi bonsu ba mu bukalenga buende ne Abishayi ne: Pikala muananyi, muananyi menemene undi mulela, ukeba mua kunshipa, kanukemi bua padi Shimeyi, muena Binyamine, umpenda. Mulekelayi, ampende! Misangu mikuabu, Maweja-Nangila ke udi mumutume bua kumpendaye.

2 Samuele 20:19

Tshimenga tshietu, ntshimenga tshia ku bimenga bidi ne ditalala ne bidi bitaba meyi a bukalenga. Kadi wewe udi musue kunyanga etshi tshimue tshia ku bimenga binene bia bena Izrayele! Udi musue kunyanga tshintu tshidi tshia Maweja-Nangila bua tshinyi?

2 Samuele 21:3

Mukalenga Davide kukonka bena Ngibone ne: — Bua meme kudia nenu tshibalu, nuenu kuela bena Izrayele lupemba bua makenga onsu awa manuenzekele, nnuenzele tshinyi?

2 Samuele 24:1

Dituku dikuabu, Maweja-Nangila kufikila kabidi bena Izrayele munda. Kuenzejaye Davide bualu buvua ne bua kukebela bantu makenga, bualu Davide uvua mupete meji a kubadika bena Izrayele ne bena Yuda.

1 Bakalenga 22:22

Mutumibue kuandamuna ne: “Nengenzeje bambi bonsu, bua bambile mukalenga Akabe malu a dishima.” Maweja-Nangila kuandamuna ne: “Ke mushindu muimpe mutambe wa kumushima. Uye kuenza nanku!”

1 Kulondolola 21:1

Dituku dikuabu, Satane kukeba mua kuenzela bena Izrayele bibi. Kufikishaye Davide ku dibadika dia bena Izrayele.

Misambu 120:5

Pandi nsomba mu ditunga dia Mesheke, ne mu nzubu ya ntenta ya bena Kedare, ndiakabi dianyi.

Misambu 20:4

Avuluke bionsu biuvua mumulambule, itabe milambu yebe ya kuosha!

Nsumuinu 30:10

Kunyangidi muena mudimu lumu kudi mfumuende. Wewe mulunyange, muena mudimu awu neakuele mulawu, nanku neufute tshibawu tshia lunsonge luebe alu.

Yeshaya 60:5

Paudi ubamona, neukenke ne diakalenga. Neusanke, usangale. Mutshima webe neuwule ne disanka. Bualu biuma bidi bipitshila pa mayi manene, nebifike kuebe. Lupetu lua matunga a bantu neluvulangane kuebe.

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Dibadika 36:7

Maloba a bena Izrayele, kabena mua kuangata lelu kudi bena tshisamba kampande, maloba kudi bena tshisamba tshikuabu nansha. Muena Izrayele yonsu neasombe amu mu tshitupa tshia buloba tshia tshisamba tshiabu.

Dibadika 36:9

Maloba a bena Izrayele kabena mua kuangata tshiangatangata to. Tshisamba tshionsu tshia bena Izrayele netshilame buloba buabu bimpe.

Rome 14:15

Paudi ubungamija muanenu bua biudi udia, kuena ulonda njila wa dinanga nansha. Kuena mua kujimija muanenu, uvua Kristu mufuile, amu bua biudi udia nansha.

Ngalate 5:12

Ndi njinga se: badi bakeba kunupambula bayile kule: badipakule!

Dielulula 13:3

tshishima atshi tshienzeka bu muvuaye munuambile, muntu awu unuambila bua kutendelela mvidie inudi kanuyi bamanye, kuyenzela mudimu,

2 Timote 4:14

Aleksandre, nsenda wa biamu, mmungenzele bibi be. Mfumu neamufute bilondeshile tshivuaye muenze.

1 Samuele 18:10

Butshia dinda, mukishi mubi mutuma kudi Mvidi Mukulu kutulukila Shawule. Kuendakanaye mu nzubu muende bu muntu mupale. Davide uvua umuimbila lunkombe, bu muvuaye wenza misangu yonsu. Shawule uvua mukuate difuma diende mu tshianza.

1 Samuele 24:9

Pashishe Davide kupatuka mu lubuebue, ulonda Shawule. Kumuelaye diyi ne: — Mukalenga Shawule, mukalenga Shawule! Shawule ukenzakana, utangila panyima. Davide kutua mpala panshi ne kanemu,

1 Samuele 25:24

ku makasa a Davide, umuambila ne: — Mukalenga wanyi, udi muenze bibi mmeme! Dipanga didi anu kundi meme! Kadi, itaba bua meme kuyukila nebe. Utelejaku tshindi nkuambila.

1 Samuele 27:1

Davide kuela meji, udiambila ne: “Dituku dikuabu, Shawule ewu neanshipe. Tshiena ne tshikuabu tshindi mua kuenza mpindiewu to. Mbimpe nnyemene mu ditunga dia bena Peleshete. Nanku Shawule nealekele kunkeba mu buloba bujima bua bena Izrayele. Ke mundi mua kumunye-mena.”