1 Samuele 26:16 - MUKANDA WA MYIDI MUKULU

¹⁶ Bu mudi Maweja-Nangila ne muoyi, paudi ulengulula mudimu webe, kuena wenza bimpe to! Nuenu bena mvita bende bonsu, mbimpe banushipe, bualu kanuena balame mukalenga wenu Shawule bimpe to! Shawule mmukalenga musungula kudi Maweja-Nangila! Kadi, tangila ku mutu kua mukalenga: difuma diende ne mulondu wende wa mayi bidi penyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bualu ebu buwakenza kabuena buakane. Bu mudi Yehowa ne muoyo bûdi nʼabu mbua kufua, bualu bua wewe kuakulama mukelenge webe udi muela manyi ha mutu kudi Yehowa. Tangila kudi difuma dia mukelenge ne mulondo wa mai biakadi ku mutu wandi.

1 Samuele 26:16 ပူးပေါင်းရင်းမြစ်များ

2 Samuele 12:5

Davide kufikila mubanji awu munda bikole. Kuambilaye muambi Natane ne: — Maweja-Nangila udi ne muoyi, anteleje! Muntu udi muenze nanku, udi ne bua kufua!

2 Samuele 19:28

Kadi malu onsu adi muena mudimu wanyi mukuambile, mmunshiminyine. Nanku, mukalenga, wewe udi bu mutumibue wa Mvidi Mukulu, udi mua kuenza muudi musue.

1 Bakalenga 2:26

Pashishe, mukalenga Shelomu kuambila mutuangaji Abiyatare ne: — Umuka munemu, uye ku Anatote, muaba udi madimi ebe, bualu udi mukumbanyine lufu. Kadi tshiena nkushipesha lelu to, bualu patshivua tatu wanyi Davide ne muoyi, uvua muambule mushete wa ndondu wa Maweja-Nangila Mvidi Mukulu. Kabidi uvua muambuluishe tatu wanyi mu makenga onsu avuaye nawu.

Misambu 102:20

Mu diulu mudiye, Maweja-Nangila mmuinangile, mutangile pa buloba. Ku nzubu wende wa tshijila udi utangila mesu ende panshi,

Misambu 79:11

Uteleje ne luse miadi ya bena lukanu. Wewe udi ne bumfumu bunene, upandishe bantu badibu bakeba kushipa.

Efeze 2:3

Bonsu buetu tuvua benze anu bu bobu. Tuvua tulonda amu majinga etu mabi. Tuvua tukumbaja amu bivua mubidi wetu, ne meji etu, bijinga. Nanku tuvua amu ne bua kupeta dinyoka kudi Mvidi Mukulu, bu bantu bakuabu bonsu.

1 Samuele 20:31

Kadi, teleja bimpe. Patshidi mulumiana ewu, muana wa Ishayi ne muoyi, umanye ne: kuena mua kujadika ne newikale mukalenga to. Nanku utume diyi, bakuate Davide, bafike nende apa, bualu udi ne bua kufua.

1 Samuele 24:6

Kadi Davide mumane kukosa tshipesa atshi, kuzakalaye bikole.

1 Samuele 26:11

Kadi Maweja-Nangila neankandike bua tshishipi mukalenga uvuaye mudisunguile. Nanku, tuambule amu difuma diende didi ku mutu, pabuipi nende, tuambule kabidi ne mulondu wende wa mayi, tuye nabi.

1 Samuele 26:15

Davide kukonka Abnere ne: — Abnere, wewe kuena muntu mulume anyi? Mu ditunga dijima dia bena Izrayele, kamuena muena mvita mukuabu udi ne dikima mukupite wewe to! Kadi, kuena mulame mukalenga webe Shawule bimpe bua tshinyi? Muntu mukuabu uvua mufike bua kumushipa.

1 Samuele 26:9

Davide kubenga ne: — Nansha, kumushipi to. Udi wela meji ne: muntu udi mushipe muntu udi Maweja-Nangila musungule, kena mua kupeta dinyoka anyi?