1 Samuele 26:10 - MUKANDA WA MYIDI MUKULU

¹⁰ Bu mudi Maweja-Nangila ne muoyi, ndi nkujadikila ne: Maweja-Nangila nkayende neajikije bualu buende. Shawule udi mua kufua bu mudi bantu bonsu bafue anyi udi mua kufua mu mvita.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Davidi wakamba ne, Bu mudi Yehowa ne muoyo, Yehowa nkayandi neamushihe; dituku diandi dia lufu nedilue anyi yeye neaye mu nvita, neafue.

1 Samuele 26:10 ပူးပေါင်းရင်းမြစ်များ

Genese 47:29

Yakobe umvua ne: diba dia lufu diakumbanyi, kubikilaye muanende Yozefe, umuambila ne: — Pawikala munnange, kunjiki mu Ejipitu nansha. Kuata muinshi mua tshibelu tshianyi, uditshipe bua kundeja muudi munnange ne mundamate.

Yobe 14:14

Kadi muntu mumana kufua, udi mua kubika tshiakabidi anyi? Uvua amu mua kuikala ne lutulu mu matuku atshidiye ukuata mudimu panu, utekemena too ne paudi ufika, bua kunjula.

Yobe 14:5

Amu wewe ke udi mujadike bungi bua matuku, ne bungi bua ngondu bidi muntu mua kulala panu. Muntu kena mua kusakidila dituku nansha dimue.

Yobe 7:1

Bantu badi ne lutatu lukole pa buloba, badi benza mudimu bu bapika.

Misambu 37:10

Katupa kakese, bantu babi nebajimine. Neukebe muaba uvuabu bapitshila, kuyi upeta nansha tshifundu tshia dikasa diabu.

Misambu 37:13

Kadi Maweja-Nangila udi useka muntu awu, bualu mmumanye ne: dituku dia kumunyoka nedifike!

Misambu 94:23

Maweja-Nangila, Mvidi Mukulu wetu, neabapingajile malu mabi abu, neabajimije bua malu abu mabi.

Muambi 3:2

Kudi tshikondu tshidibu bakulela, ne tshikondu tshia kufua, tshikondu tshia kukuna biakudia ne tshikondu tshia kubipola.

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

Rome 12:19

Balunda banyi, kanudisombuedi. Kadi nuanyishe amu bua Mvidi Mukulu aleje bantu tshiji tshiende. Bualu Mukanda wa tshijila udi wamba ne: “Meme Maweja-Nangila, nensombuele. Nembapingajile bubi buvuabu benze.”

Dielulula 31:14

Maweja-Nangila kuambila Moshe ne: — Ukadi pa kufua. Bikila Yoshuwa. Nufike nende kumpala kua ntenta wa kusambakena, bua mmumanyishe mikenji yanyi. Moshe ne Yoshuwa kuya ku ntenta wa kusambakena.

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”

Ebrewu 10:30

Bualu tudi bamanye uvua muambe ne: “Meme ke wasombola, meme ke wafuta,” kabidi ne: “Maweja-Nangila nealumbuluishe bantu bende.”

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.

Didimanyisha 18:8

Ke padi bipupu bionsu, bidibu bamulamina, ne bua kumukuata dituku dimue: disama dia lufu, madilu, ne tshiyole tshia nzala. Kapia nekamubutule. Bualu Maweja-Nangila udi umulumbuluisha, udi ne bukole.”

1 Samuele 24:12

Tangila, mukalenga wanyi, tangila tshindi mukuate ku bianza etshi. Ndi ne tshipesa tshia muntumpu webe! Ndi mukose anu tshipesa tshia muntumpu webe, kadi tshiena mukushipe to, bua kujadika ne: tshiena ne dijinga dia kukuenzela bibi, nansha kukutombokela. Udi mumone ne: meme Davide tshiena mukuenzele bubi nansha bumue. Anu wewe udi wenda ungipata bua kunshipa.

1 Samuele 24:15

Mukalenga Shawule, uudi wenda ukeba nenku nnganyi? Udi wenda unkeba anu meme Davide. Kadi, meme ndi anu bu mbua mumane kufua, nansha bu tshipu!

1 Samuele 25:26

Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.

1 Samuele 25:38

Matuku dikumi mamane kupita, Maweja-Nangila kusangisha Nabale tshiakabidi, kufuaye.

1 Samuele 25:39

Davide umvua lumu lua lufu lua Nabale, kuambaye ne: — Ndi nsakidila Maweja-Nangila, udi munsungidile kudi Nabale uvua umpenda. Ndi mmuela kabidi tuasakidila, bualu mmunkandike bua meme kuenza bibi, bua tshipingajidi Nabale bubi buende. Ke Davide kutuma bantu kudi Abiyayile, bua kumuambila ne: Davide mmusue bua wikale mukajende.

1 Samuele 31:4

Kuambilaye muntu uvua mumuambuile bia lulu ne: — Angata muela webe, unshipe. Bualu tshiena musue bua banshipe, banseke kudi bena Peleshete aba, bantu bavuabu kabayi bateke panshi. Kadi, muntu uvua muambuile Shawule bia lulu, kubenga, bualu uvua ne bowa bua bungi. Ke Shawule kuasa muela wende panshi, kudiela pa muela apu.

1 Samuele 31:6

Ke muvua Shawule mufue dituku dimue ne bana bende basatu, ne muntu uvua mumuambuile bia lufu, ne bena mvita bende bonsu nanku.