1 Samuele 25:8 - MUKANDA WA MYIDI MUKULU

⁸ Udi mua kubakonka, Nebakujadikile. Davide udi nkusengelela bua utuakidile bimpe matuku a tshibilu aa, bualu tudi benyi bebe. Nanku, tuetu ne muena mudimu webe Davide, ubipeshe tshintu tshionsu tshiudi natshi.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Webeshe bansongalume bebe, bobo nebakuambile; witabushe bansongalume aba basangane luse ku mesu kuebe; bualu bua tuetu tuakulua mu dituku dilengele; nunku ndi nkusengelela ne, Uhe bantu bebe ne muanʼebe Davidi tshionso tshidi mu tshianza tshiebe.

1 Samuele 25:8 ပူးပေါင်းရင်းမြစ်များ

Estere 9:19

Ke padi bena Yuda badi basomba ku misoku ya ku mpenga basungula dituku dia dikumi ne dinayi dia ngondu wa Adare, bua kuikalabu benzenza bibilu ne batuminangana bintu bia masanka.

Estere 9:22

Bualu matuku awu, bena Yuda bavua bapete dikisha, kabatshiwa ne muluishi kabidi to. Ngondu awu, dibungama diabu divua diandamuke disanka, dikenga divua diandamuke diakalenga. Nanku bavua ne bua kuenza bibilu ne disanka, batuminangana bintu bia kusankishangana nabi, kupesha bapele bintu.

Muambi 11:2

Teka mpetu yebe miaba mishilangane, bualu kuena mumanye diakabi didi mua kukukuata pa buloba.

Luke 11:41

Peshayi bapele bidi mu makopu ne mu malongu enu. Nanku malu enu onsu neakane!

1 Samuele 24:11

Lelu ewu, ujadike ne: Maweja-Nangila uvua mukufile mu bianza bianyi mu lubuebue emu. Bakungambila bua meme kukushipa. Kadi meme kukufuila luse. Tshivua musue kukushipa to. Bualu Maweja-Nangila ke uvua mukusungule bua wikale mukalenga.

1 Samuele 25:9

Bantu bavua nabu Davide kuya kuambila Nabale bionsu bivua Davide mubambile abi. Pashishe, kushalabu bindile.

1 Samuele 3:6

Musangu muibidi, Maweja-Nangila kubikila Samuwele ne: “Samuwele!” Muana kujuka, kuya kudi Eli, kumuambila ne: — Ke meme uuvua ubikila ewu! Eli umuambila ne: — Muananyi, tshiena mukubikila to! Pingana, uye kulala.