1 Samuele 25:36 - MUKANDA WA MYIDI MUKULU

³⁶ Abiyayile upingana ku nzubu, kusanganaye Nabale wenzeja tshibilu. Tshivua tshibilu tshinene bu tshia mukalenga. Nabale uvua ne disanka dia bungi, mumane kukuatshika maluvu bikole. Nanku Abiyayile kena mumuambile bualu nansha bumue too ne muakatshiabu.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Abigayila wakahingana kudi Nabala; mona, yeye wakamana kulongolola bidia bia disanka mu nsubu muandi bu disanka dia mukelenge; mutshima wa Nabala wakasanka munda muandi bualu bua yeye wakatamba kukuatshika maluvu; nunku mukashi wandi kakamuambila bualu, nansha bukese nansha bunene tô ne hakatshiabu.

1 Samuele 25:36 ပူးပေါင်းရင်းမြစ်များ

2 Samuele 13:23

Bidimu bibidi bimane kupita, dituku dikuabu, Absalome uvua ne bakoshi ba miosa ya mikoku ku nzubu kuende ku musoku wa Baale-Ashore, pabuipi ne tshimenga tshia Efrayime. Kubikidishaye bana ba mukalenga Davide bonsu.

2 Samuele 13:28

Ke Absalome kutumina bena mudimu bende diyi ne: — Nutangile Amnone bikole. Pikalaye mumane kukuatshika maluvu, meme nennuambile ne: “Tapayi Amnone!” Nanku nenumutute, numushipe. Kanutshinyi to, meme ke udi munutume. Nuikale ne dikima, nuleje bukitu buenu!

2 Samuele 3:20

Abnere kufika kua Davide mu Ebrone ne bantu makumi abidi. Davide kubalambishila biakudia bia disanka.

1 Bakalenga 20:16

Kutuadijabu mvita munda munya. Kadi, Benadade ne bakalenga makumi asatu ne babidi, balunda bende, bavua anu bakuatshike maluvu mu ntenta.

Misambu 112:5

Muntu udi uleja bakuabu luse, ubasombesha bintu, ulongolola malu ende mu buakane, udi wenza bimpe.

Nsumuinu 20:1

Mvinyo udi ufikisha muntu ku matandu. Maluvu makole adi asaka muntu ku mutoyi. Muntu yonsu udi ubinua ukuatshika, kena ne meji.

Muambi 10:19

Bantu baneme badi badia bua kusanka. Badi basangulaka padibu banua maluvu. Kadi amu badi ne biuma ke badi mua kupeta bionsu bidibu bakengela.

Yeshaya 28:3

Tshikata tshia lumu tshivua bakuatshiki ba maluvu ba bena Efrayime baditambishila, nebatshidiatakaje ku makasa.

Yeshaya 5:11

Bantu bonsu badi bafuilakana maluvu makole dindadinda, banua too ne mudi butuku buila, bakuatshika, mbena diakabi.

Yirmeya 51:57

“Nennuishe balombodi ba mu bukalenga buende, bena meji, bilobu, ne bamfumu bende, maluvu. Nebakuatshike. Nebalale bua kashidi, kabayi mua kujuka kabidi nansha.” Ke mudi mukalenga munene muambe! Dina diende mMaweja-Nangila wa bukole buonsu.

Osheya 4:11

Bundumba ne dikuatshika dia maluvu bidi binyanga lungenyi lua muntu.

Nahume 1:10

Nansha bobu banua maluvu bakuatshika basuikakana pamue bu tshipuka tshia meba a mingonga, nebapie babutuke bu bisosa biume.

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

Luke 14:12

Pashishe Yezu kuambila uvua mumubikile ne: — Diba diudi upa bantu biakudia bia dinda, nansha bia munda munya, lekela kubikila balunda bebe, bana benu, nansha bena mutumba nebe babanji. Bualu bobu badi mua kukubikila pabu. Nanku nebakupingajile biuvua mubapeshe abi.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Rome 13:13

Tuenze malu mimpe, bu bantu bakadi benda mu butoke bua dituku. Tulekelayi budiavi, bunuavi, malu a bundu, ne buenzavi bukuabu, matandu ne lubabu.

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

1 Samuele 25:19

Pashishe kutuminaye bena mudimu bende diyi ne: — Pitayi kumpala, meme ndi nnulonda. Abiyayile kavua muambile bayende Nabale to.

1 Samuele 25:37

Abiyayile uvua muindile bua maluvu atenduke Nabale, pashishe amuambile malu onsu awu dinda. Nabale umvua malu awu, kumutondawu bikole. Kushalaye katshiyi ne bukole.