1 Samuele 25:27 - MUKANDA WA MYIDI MUKULU

²⁷ Angata bintu bia disanka bindi mukutuadile, ubiabanyine bansongalume baudi nabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nunku diha edi diakula nʼadi muhika webe mukashi kudi mukelenge wanyi difidibue kudi bansongalume badi ne mukelenge wanyi.

1 Samuele 25:27 ပူးပေါင်းရင်းမြစ်များ

Genese 33:11

Ndi nkusengelela ne: angata mulambu undi mukutuadile ewu, bualu Mvidi Mukulu wanyi mmumpe bintu bia bungi. Yakobe kunanukila bikole. Esawu kuitaba.

2 Samuele 16:2

Mukalenga Davide kukonka Siba ne: — Bintu ebi mbia tshinyi? Siba kuandamuna ne: — Mukalenga, nyama ya mpunde neyambuluishe bena mudimu bebe bua bikale babandapu. Mampa ne bimuma, nebiambuluishe bena mvita bebe. Maluvu neambuluishe bantu bikale bapungile mu tshipela.

2 Bakalenga 5:15

Diakamue, Namane ne bonsu bavuaye nabu kupingana ku nzubu kua muambi Elisha. Namane kuimana kumpala kua muambi, kumuambila ne: — Mpindiewu ndi mumanye ne: pa buloba bujima kakuena Mvidi Mukulu mukuabu to, anu wa bena Izrayele. Nanku ndi nkusengelela: wangate mulambu undi nkupesha ewu.

Nsumuinu 18:16

Kupesha muntu tshintu, kudi kukunzuluila njila wa wewe kumonangana ne bantu banene.

2 Korente 9:5

Ke pamvua muele meji ne: ndi ne bua kusengelela bana hetu aba, bua badianjile kuenu aku kumpala kuanyi. Basangishe muaba umue binuvua balaye ne muoyi wa kalolu. Nanku pangafika, nembisangane. Ke munudi mua kuleja bantu munudi nubifila ne muoyi wenu mujima, kabayi banuenzeja malu ku bukole.

Balombodi 4:10

Barake kusangisha bena Naftali ne bena Zebulone. Bantu balume binunu dikumi kuitaba bua kulonda Barake. Debora muine kuya nabu.

1 Samuele 25:42

Abiyayile kujuka lukasa, kubanda pa nyama wende wa mpunde, kuya ne bena mudimu bende bakaji batanu. Kulondaye bantu bavua Davide mutume. Abiyayile kushala mukaji wa Davide.

1 Samuele 30:26

Davide upingana mu tshimenga tshia Siklaje, kutuminaye balunda bende, ne bakulu ba bena Yuda, bintu bia mu mvita. Kubambilaye ne: “Angatayi bintu bia disanka abi, mbitudi banyenga baluishi ba Maweja-Nangila.”