1 Samuele 25:26 - MUKANDA WA MYIDI MUKULU

²⁶ Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Mukelenge wanyi, bu mudi Yehowa ne muoyo ne bu mudi mutshima webe ne muoyo, bualu bua Yehowa wakakukanda bua wewe kumatshishi mashi hanshi ne bua wewe kudisombuedi ne tshianza tshiebe, nunku badi nʼebe lukuna ne badi bakeba kuenzela mukelenge wanyi bibi, bikale bu Nabala.

1 Samuele 25:26 ပူးပေါင်းရင်းမြစ်များ

Genese 20:6

Mvidi Mukulu kuambila kabidi Abimeleke mu tshilota atshi ne: — Ndi mumanye ne: udi muenze nanku kuyi mumanye bualu. Ke pandi mukukandike ne kulengi ewu mukaji, nansha ne tshianza mene; tshianana, udi untombokela.

2 Samuele 18:32

Mukalenga Davide kumukonka ne: — Absalome muana udi bimpe anyi? Muena Kushe kuandamuna ne: — Mukalenga tudi tujinga ne bionsu bidi bienzekela nsongalume ewu, bienzekele baluishi bebe ne bantu bonsu badi bakutombokela!

2 Bakalenga 2:2

Tshitupa tshikese, Eliya kuambila Elisha ne: — Ushale muaba ewu. Maweja-Nangila mmuntume ku Betele. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi ku Betele.

2 Bakalenga 4:6

Biasu bimane kuwula, kulombaye muanende mukuabu ne: — Mpeshayi tshiasu tshikuabu tshia munda mutupu. Kadi, biasu bionsu bivua bimane kuwula. Muana kumuambila ne: — Biasu bikuabu kabienaku to. Nanku, mafuta kukama.

Misambu 44:3

Uvua mumuangeshe bantu ba bisamba bikuabu, bua kupa bantu bebe muaba wa kuasa. Uvua mukengeshe bisamba abi, bua bantu bebe bavulangane, basombe bimpe.

Nsumuinu 31:12

Kena umuenzela bibi nansha musangu umue. Kadi udi umusankisha matuku ende onsu.

Yirmeya 29:22

Bantu bonsu ba mu Yuda bavuabu baye nabu mu bupika mu Babilone, nebele bantu mulawu, batele mena abidi aa, bamba ne: ‘Maweja-Nangila akunyoke nuwuaye munyoke Sedekiya ne Akaba. Mukalenga wa Babilone, mmuboshishe mu kapia batshikale ne muoyi!’

Danyele 4:19

Mukalenga, mutshi awu ngwewe! Wewe kudiunda, kukola. Bunene buebe kupita, kutua mu diulu. Bukalenga buebe kutanta, kufika ne ku ntengu ya buloba.

Ebrewu 10:30

Bualu tudi bamanye uvua muambe ne: “Meme ke wasombola, meme ke wafuta,” kabidi ne: “Maweja-Nangila nealumbuluishe bantu bende.”

1 Samuele 1:26

Ane kukonka mutuangaji Eli ne: — Utshidi muvuluke mukaji uvua muimane muaba ewu dituku dikuabu, pabuipi nebe bua kulomba Maweja-Nangila anyi? Amu bu muudi ne muoyi bulelela, ndi nkujadikila ne: mukaji awu mmeme.

1 Samuele 2:9

Maweja-Nangila udi mulame bantu badi bamunemeka. Kadi badi bamubenga nebafue mu midima. Bualu muntu kena mua kutshimuna ku bukole buende nkayende to.

1 Samuele 20:16

Ke Yonatane kutua ndondu wa bulunda ne Davide, kabidi ne bena nzubu wa Davide, ubambila ne: “Maweja-Nangila nkayende asombuele bena lukuna ba Davide.”

1 Samuele 20:3

Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.

1 Samuele 22:3

Davide kumuka mu lubuebue lua Adulame, kuya ku Mispa mu Mowabe. Kuambila mukalenga wa bena Mowabe ne: — Anyisha bua tatu wanyi ne mamu wanyi balue kuasa munemu, too ne pangamanya tshidi Mvidi Mukulu musue kungenzela.

1 Samuele 25:25

Kunangidi malu a Nabale to, bualu mmuntu mutshimbakane. Nabale mmumue ne: muntu mutshimbakane. Nanku, dina edi ndimukumbanyine, bualu kena ne lungenyi to. Kadi, mukalenga wanyi Davide, meme Abiyayile tshivua mumone bantu bebe bauvua mututumine to.

1 Samuele 25:39

Davide umvua lumu lua lufu lua Nabale, kuambaye ne: — Ndi nsakidila Maweja-Nangila, udi munsungidile kudi Nabale uvua umpenda. Ndi mmuela kabidi tuasakidila, bualu mmunkandike bua meme kuenza bibi, bua tshipingajidi Nabale bubi buende. Ke Davide kutuma bantu kudi Abiyayile, bua kumuambila ne: Davide mmusue bua wikale mukajende.

1 Samuele 26:10

Bu mudi Maweja-Nangila ne muoyi, ndi nkujadikila ne: Maweja-Nangila nkayende neajikije bualu buende. Shawule udi mua kufua bu mudi bantu bonsu bafue anyi udi mua kufua mu mvita.