1 Samuele 25:25 - MUKANDA WA MYIDI MUKULU

²⁵ Kunangidi malu a Nabale to, bualu mmuntu mutshimbakane. Nabale mmumue ne: muntu mutshimbakane. Nanku, dina edi ndimukumbanyine, bualu kena ne lungenyi to. Kadi, mukalenga wanyi Davide, meme Abiyayile tshivua mumone bantu bebe bauvua mututumine to.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Ndi nkusengelela ne, Mukelenge wanyi kabadi bualu bua muntu mulembakana, Nabala, mene; bualu bua bienzedi biandi bidi bu kukudimuna kua dina diandi: Nabala ndina diandi ne buhote budi nʼandi; kadi meme, muhika webe mukashi, tshiakatangila bansongalume ba mukelenge wanyi bakatumeye.

1 Samuele 25:25 ပူးပေါင်းရင်းမြစ်များ

2 Samuele 13:33

Nanku kuedi meji ne: bana bebe mbalue bonsu to. Mbashipe anu Amnone nkayende.

Nsumuinu 29:7

Muntu udi ulamata Mvidi Mukulu udi ujingulula tshidi mupele ne bua kupeta. Kadi muntu mubi kena ne lungenyi elu to.

Yeshaya 32:5

Muntu mupote kabakumuangata kabidi ne mushinga to. Muntu wa tshidingidingi kabakumuteka kabidi mulongu wa bantu ba nsongu.

Yeshaya 42:25

Ke pavua Maweja-Nangila muleje bantu bende bunene bua tshiji tshiende, mubakengeshe ne mvita. Mvita kuosha bena Izrayele nseke yonsu. Kadi nanshabu kujingulula tshintu. Kapia kubosha, kubashidisha, kadi nanshabu kubuelela meji.

Malaki 2:2

— Nunteleje, nunnemeke, tshianana nennukengeshe. Diakalenga dimvua munulaye nediandamuke diakabi. Bulelela nengenze nanku, bualu kanuena nuangata mikenji yanyi ne mushinga.

1 Samuele 25:17

Nanku mpindiewu, ela meji bimpe, ukebe tshitudi mua kuenza. Bualu dikenga nedikuate mfumu Nabale ne bena nzubu wende, kamuyi mpata to. Nabale mmuntu wa malu makole. Kena musue bua muntu mukuabu kumuambilaye bualu to.

1 Samuele 25:24

ku makasa a Davide, umuambila ne: — Mukalenga wanyi, udi muenze bibi mmeme! Dipanga didi anu kundi meme! Kadi, itaba bua meme kuyukila nebe. Utelejaku tshindi nkuambila.

1 Samuele 25:26

Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.

1 Samuele 25:3

Dina dia muntu awu Nabate. Mukajende uvua Abiyayile. Mukaji ewu uvua ne mpala muimpe, kabidi muikale ne lungenyi. Kadi, bayende Nabale uvua ne malu makole, muikale ne lonji. Nabale uvua wa mu diku dia Kalebe.