1 Samuele 25:2 - MUKANDA WA MYIDI MUKULU

² Mu musoku wa Mayone muvua muntu mubanji. Uvua ne mikoku binunu bisatu ne mbuji tshinunu. Uvua kabidi ne mpangu yende ku musoku wa Karmele. Muntu ewu, uvua muye ku Karmele bua kukosa miosa ya bimuna biende.

Mukanda wa Nzambi Dihungila Dikulukulu ne Dihungila Dihia-dihia 2003

² Muntu wa mu Maona wakadiku wakadi ne bintu biandi ku mukuna wa Kâmele; wakadi muntu munene, wakadi ne mikoko binunu bisatu ne mbushi tshinunu; yeye wakadi ukosa miosa ya mikoko yandi mu Kâmele.

1 Samuele 25:2 ပူးပေါင်းရင်းမြစ်များ

Genese 13:2

Abrame uvua mubanji. Uvua ne mikoku, mbuji, ngombe, biamu bia mpawungi, ne biamu bitoke bia mushinga mukole kabidi.

Genese 26:13

Izake kushala mubanji,

Genese 31:19

Kadi pavua Labane muye kukosa miosa ya mikoku yende, Rakele kuiba mpingu ileja mvidie ivua bena diku dia tatuende Labane batendelela.

Genese 32:14

Yakobe kulala muaba awu. Kusungulaye bimuna biende bikuabu bua kupesha mukuluende Esawu:

Genese 38:13

Ke kumanyishabu Tamare difika dia tatuende muenu Yuda mu Timna bua bakose miosa ya mikoku yende.

2 Samuele 19:32

Barzilayi, wa mu musoku wa Rogelime, mu ditunga dia Ngilaade, uvua mupueke kabidi ku Yardene. Yeye ke uvua musabuke musulu awu ne mukalenga Davide, bua kushiya mukalenga dishiya.

Yobe 1:3

Uvua ne mikoku binunu muanda mutekete, nyama ya tumelu binunu bisatu, nyama ya ngombe milume ne mikaji tshinunu, ya mpunde mikaji nkama itanu. Uvua kabidi ne bena mudimu bavule. Bantu bonsu bavua basombe ku luseke lua Palestine ludi diba dipatukila, amu yeye ke uvua mubapite ku bubanji ne ku biuma.

Yobe 42:12

Maweja-Nangila kuela Yobe lupemba, kupitaye ne muvuaye kale. Yobe kupeta mikoku binunu dikumi ne binayi, tumelu binunu bisambombu, ngombe milume ne mikaji tshinunu ne mpunde mikaji tshinunu.

Misambu 17:14

Ubabutule, ubajikije mu bantu. Ubanuishe lulengu luuvua mubalamine. Bana babu banue buukute, biikulu babu balabule luvua lushale!

Nsumuinu 30:22

ke mupika udi ushala mukalenga wa ditunga, mutshimbakane udi udia ondoloka,

Yoshua 15:55

Kuvua kabidi bimenga ebi: Mayone, Karmele, Zife, Yuta,

1 Samuele 15:12

Butshia dinda, Samuwele kuya kumonangana ne Shawule. Kumuambilabu ne: “Shawule mmuye ku Karmele, bua kuimanyika dibue dia kuikala bamuvulukila. Pashishe neatungunuke ne luendu too ne ku Ngilgale.”

1 Samuele 23:24

Bena mu Zife kumuka kudi Shawule, kupingana kuabu. Matuku awu, Davide uvua mu tshibandabanda mu tshitupa tshia kuinshi tshia tshipela tshia Mayone,

1 Samuele 30:5

Bena Amaleke bavua bakuate bakaji babidi ba Davide: Akinowame, muena mu Yizreyele, ne Abigayile, muena mu Karmele, mukaji mukamba uvua Nabale mushiye.