1 Samuele 24:4 - MUKANDA WA MYIDI MUKULU

⁴ Shawule upitshila muaba uvua bikumbi bia mikoku pabuipi ne njila, kumonaye lubuebue, kubuelaye mu lubuebue alu bua kusesuka. Kadi, Davide ne bantu bavuaye nabu, bavua basokome munda mua lubuebue alu ku luseke.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bantu ba Davidi bakamuambila ne, Mona, dituku diakakuambila Yehowa ne, Mona neufile muena lukuna webe mu tshianza tshiebe, diakufika; wewe umuenzele bu mûdi umona ne mbimpe. Hashishe Davidi wakajuka, wakakosa tshihesa tshia tshikowelu tshia Shaula mu musokoko.

1 Samuele 24:4 ပူးပေါင်းရင်းမြစ်များ

2 Samuele 4:8

Kufikabu ne mutu wa Ishebaale kudi mukalenga Davide ku Ebrone, bamuambila ne: — Mukalenga, tangila mutu wa Ishebaale, muana wa muluishi webe Shawule, uvua ukeba mua kukushipa. Lelu Maweja-Nangila mmusombuele Shawule ne ndelanganyi yende bualu buebe.

Yobe 31:31

Udi kayi mudie munyinyi muanyi, nnganyi? Benyi bonsu bamvua muakidile badi mua kujadika bindi ngamba.

Misambu 142:1

Kasala ka mu mukanda wa misambu ya Davide, muimbe pavuaye utendelela musokome mu lubuebue.

Misambu 57:1

Musambu wa mu mukanda wa mulombodi wa bena misambu. Wa kuimba ne meyi a musambu wa “Kunyangi…”. Kasala ka mu mukanda wa misambu ya Davide. Uvua muusake pavuaye munyeme Shawule, muye kusokoma mu lubuebue.

Ekesode 21:13

Pikala muntu mushipe mukuabu mu mpukapuka, kayi ne muoyi wa kumuenzela bibi, mushipianganyi neabutame muaba unganuleja.

1 Samuele 22:1

Ke Davide kumuka mu tshimenga tshia Ngate, kunyemenaye mu lubuebue lua Adulame. Bana babu ne Davide, ne bena diende bonsu, kumvuabu ne: Davide udi mu lubuebue alu. Kuyabu kudisangisha nende.

1 Samuele 23:17

Kuambilaye Davide ne: — Kuena mua kutshina to. Tatu wanyi Shawule kena mua kukupeta to. Wewe newikale mukalenga wa bena Izrayele. Meme nengikale anu tshindonda tshiebe. Tatu mmumanye bionsu ebi.

1 Samuele 23:7

Shawule kumvua lumu ne: Davide mmumane kubuela mu tshimenga tshia Keyila, kuambaye ne: — Mvidi Mukulu wafidi Davide mu bianza bianyi, bualu Davide padiye mubuele mu tshimenga tshidi ne biibi bikole, mmubuele mu buteyi.

1 Samuele 24:10

wela Shawule lusanzu ne: — Mukalenga Shawule, bua tshinyi udi witaba malu adi bantu bakuambila ne: meme Davide ndi nkukeba mua kukuenzela bibi?

1 Samuele 24:18

Pashishe kuambaye ne: — Wewe Davide udi mubinge, meme ndi mupile. Wewe Davide udi mungenzele bimpe. Meme ndi mukuenzele bibi.

1 Samuele 26:23

Maweja-Nangila enzela muntu yonsu wa kutudi, bilondeshile buakane buende, ne mushindu udiye mulamate Maweja-Nangila. Lelu, Maweja-Nangila uvua mukufile mu bianza bianyi. Kadi tshiena musue kukushipa to. Bualu wewe udi mukalenga musungula kudi Maweja-Nangila.