1 Samuele 24:18 - MUKANDA WA MYIDI MUKULU

¹⁸ Pashishe kuambaye ne: — Wewe Davide udi mubinge, meme ndi mupile. Wewe Davide udi mungenzele bimpe. Meme ndi mukuenzele bibi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Wewe wakungambila bu muwakungenzela bimpe lelu, bualu bua hakuila Yehowa mu tshianza tshiebe, kuakunshiha nansha.

1 Samuele 24:18 ပူးပေါင်းရင်းမြစ်များ

Genese 38:26

Yuda umona bintu abi, kubimanyaye. Kuambaye ne: — Mukaji ewu mmunemeke mikenji, mmuenze bimpe, mumpite ne meme mene. Bushuwa uvua ne bua kuikala mukaji wa muananyi Shela. Nanku ndi muenze bibi padi muananyi kayi mumupiane. Kashidi Yuda kena mubuelele kabidi Tamare mu nzubu to.

Misambu 31:8

Ndi nsanka, ntshionkomoka, bualu uvua mungenzele bimpe, mumone dikenga dianyi, muvuluke dibungama dianyi.

Misambu 7:5

bu meme mupingaje bubi ku bubi, nansha munyenge tshintu tshia udi unkina kapayi bualu,

Nsumuinu 25:22

Paudi wenza nanku, udi umushiya mu dipampakana. Bidi bu kumuteka makala a kapia pa muntu. Maweja-Nangila neakufute.

1 Samuele 23:12

Davide kukonka kabidi ne: — Meme ne bantu bandi nabu, bena tshimenga tshia Keyila nebatufile kudi Shawule anyi? Maweja-Nangila kuandamuna ne: — Eyowa, nebanufile kudi Shawule.

1 Samuele 23:7

Shawule kumvua lumu ne: Davide mmumane kubuela mu tshimenga tshia Keyila, kuambaye ne: — Mvidi Mukulu wafidi Davide mu bianza bianyi, bualu Davide padiye mubuele mu tshimenga tshidi ne biibi bikole, mmubuele mu buteyi.

1 Samuele 24:10

wela Shawule lusanzu ne: — Mukalenga Shawule, bua tshinyi udi witaba malu adi bantu bakuambila ne: meme Davide ndi nkukeba mua kukuenzela bibi?

1 Samuele 24:19

Lelu, wandeji ne: kuena nanyi ne bualu. Maweja-Nangila uvua mmufile mu bianza biebe, kadi kuena munshipe to.

1 Samuele 26:23

Maweja-Nangila enzela muntu yonsu wa kutudi, bilondeshile buakane buende, ne mushindu udiye mulamate Maweja-Nangila. Lelu, Maweja-Nangila uvua mukufile mu bianza bianyi. Kadi tshiena musue kukushipa to. Bualu wewe udi mukalenga musungula kudi Maweja-Nangila.

1 Samuele 26:8

Abishayi kuambila Davide ne: — Butuku ebu, Mvidi Mukulu mmufile Shawule, muluishi webe mu bianza biebe. Itaba, meme nenye kumutua difuma diende, dipatuka ditua ne mu buloba. Ndi mmutua difuma anu musangu umue. Tshiakumutua musangu muibidi to.