1 Samuele 24:11 - MUKANDA WA MYIDI MUKULU

¹¹ Lelu ewu, ujadike ne: Maweja-Nangila uvua mukufile mu bianza bianyi mu lubuebue emu. Bakungambila bua meme kukushipa. Kadi meme kukufuila luse. Tshivua musue kukushipa to. Bualu Maweja-Nangila ke uvua mukusungule bua wikale mukalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bukuabo, tatu wanyi, tangila ne tshihesa tshia tshikowelu tshiebe tshidi mu tshianza tshianyi; bualu bua meme nakukosa tshikowelu tshiebe, tshiakukushiha, nunku umanye biebe ne, Kakuena bualu bubi mu tshianza tshianyi: tshiakukuenzela bibi, kadi wewe ngûdi ukeba muoyo wanyi bua kûnyenga.

1 Samuele 24:11 ပူးပေါင်းရင်းမြစ်များ

2 Samuele 1:14

Davide kuela lubila ne: — Muudi kuyi mutshine bua kushipa mukalenga uvua Maweja-Nangila musungule mbishi?

2 Bakalenga 5:13

Kadi bena mudimu ba Namane, kusemena pabuipi nende, bamukonka ne: — Mfumu, bu muambi Elisha mukuambile bua kuenza bualu bunene, kuvua mua kubuenza anyi? Kadi, udi ubenga bua kuenza tshidiye mukuambile, bua kuowa anu mayi, disama diebe kujikadi, bua tshinyi?

Yobe 10:16

Kadi pandi mbanduluka, mpeta bukole, udi ungipata meme bu nyama wa ntambue, udi unzaza, wenza nansha malu a kukema, bua kunkuatshisha bowa.

Misambu 119:161

Bana ba bamfumu badi bankengesha kapayi bualu, meyi ebe ke andi ntshina.

Misambu 140:11

Makala a kapia abaponene pambidi. Mvidi Mukulu abashidishe mu kapia, kabamonyi mua kupatukamu!

Misambu 35:7

Bavua bangelela bukondu, meme tshiyi ne bualu, bangumbuila tshiina bua meme kudishindamu.

Misambu 59:3

Ungumushe mu bianza bia badi bankebela diakabi, unsungidile kudi bashipianganyi aba.

Misambu 7:5

bu meme mupingaje bubi ku bubi, nansha munyenge tshintu tshia udi unkina kapayi bualu,

Nsumuinu 15:1

Diandamuna dilenga didi dituyisha lonji. Kadi diyi dibi didi dilundula tshiji.

Muadi 4:18

Badi amu batutentekela, katuyi ne mushindu wa kuya ku yetu miaba. Diba dietu ndikumbane. Nshikidilu wetu udi pabuipi. Tukadi tufua!

Yezekiyele 13:18

Meme Maweja-Nangila Mvidi Mukulu, ndi ngamba ne: “Ubambile ne: diakabi nedinukuate! Bualu nudi nutela mikaba bua kusuika ku maboku onsu. Nudi nutela bitambala bidi bantu bonsu, bana ne bakulumpe, mua kusuika ku mitu bua nuikale bamfumu ba mioyi yabu. Kadi nudi mua kudia bantu banyi, nuenu kushala ne muoyi anyi?

Mika 7:2

Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Yowanane 15:25

Kadi bidi bienzeka nanku bua miaku ikumbane idibu bafunde mu mukanda wa mikenji yabu ne: “Mbankine kapayi bualu.”

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.

1 Samuele 18:27

Davide ne bena mvita bavuaye nabu kuya mu mvita, kushipa bena Peleshete nkama ibidi. Davide kuangata makoba a misosu yabu, kuya nawu kua Shawule bua baabale bungi buawu, bua kushalaye muku wende. Ke Shawule kupesha Davide muanende wa bakaji Mikale, bua ikale mukajende.

1 Samuele 23:14

Davide kuya mu tshipela tshia Zife, kusomba mu mbuebue ivua ku mikuna. Dituku dionsu, Shawule uvua anu ukeba Davide. Kadi Mvidi Mukulu kavua musue kufila Davide mu bianza bia Shawule to.

1 Samuele 23:23

Nujadike miaba yonsu idiye mua kunyemena. Pashishe, nupingane kundi, nuenu bamane kujadika bionsu ebi bimpe. Nanku netuye nenu. Pikalaye mu ditunga adi, nemmukuate, nansha bu meme ne bua kumukeba miaba yonsu mu buloba bua bena Yuda.

1 Samuele 25:28

Bu wewe musue, umfuileku luse. Bualu meme Abiyayile ndi nkujadikila ne: Maweja-Nangila neafile bukalenga mu nzubu muebe kashidi. Bualu wewe udi uluangana mvita mu dina dia Maweja-Nangila. Kabidi kabena mua kukubanda ne bualu bubi nansha bumue, matuku onsu audi ne muoyi.

1 Samuele 26:18

Davide kumukonka kabidi ne: — Mukalenga Shawule, udi wenda unkeba bua tshinyi? Ndi mukuenzele tshinyi? Mbualu bubi kaayi bundi mukuenzele.

1 Samuele 26:20

Kadi meme tshiena musue kufuila muaba mukuabu to, anu muaba udi Maweja-Nangila. Mukalenga Shawule, meme ndi kantu tshianana, bu mudi tshipu, kadi udi unduisha bua tshinyi? Udi wenda ungipata, bu mudi muntu wipata nkuadi mu mikuna bua tshinyi?

1 Samuele 26:23

Maweja-Nangila enzela muntu yonsu wa kutudi, bilondeshile buakane buende, ne mushindu udiye mulamate Maweja-Nangila. Lelu, Maweja-Nangila uvua mukufile mu bianza bianyi. Kadi tshiena musue kukushipa to. Bualu wewe udi mukalenga musungula kudi Maweja-Nangila.