1 Samuele 23:6 - MUKANDA WA MYIDI MUKULU

⁶ Tshikondu tshivua Abiyatare, muana wa mutuangaji Akimeleke, munyemena kudi Davide mu tshimenga tshia Keyila, uvua mufike ne bintu bia tshijila bidi biambuluisha bua kukonka Maweja-Nangila malu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakanyema Ebeyatâ, muana wa Ahimeleke, kudi Davidi mu Kila, yeye wakadi mulue ne efoda mu tshianza tshiandi.

1 Samuele 23:6 ပူးပေါင်းရင်းမြစ်များ

1 Bakalenga 2:26

Pashishe, mukalenga Shelomu kuambila mutuangaji Abiyatare ne: — Umuka munemu, uye ku Anatote, muaba udi madimi ebe, bualu udi mukumbanyine lufu. Kadi tshiena nkushipesha lelu to, bualu patshivua tatu wanyi Davide ne muoyi, uvua muambule mushete wa ndondu wa Maweja-Nangila Mvidi Mukulu. Kabidi uvua muambuluishe tatu wanyi mu makenga onsu avuaye nawu.

Ekesode 28:6

“Nanku, tshilamba tshia efode tshia mutuangaji munene, tshikale tshitela kudi batedi ba kalanda-musenga. Tshikale tshitela ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu. Tshilamba atshi, tshikale tshitela bimpe ne buanda bua mpawungi.

1 Samuele 14:18

Nanku Shawule kuambila mutuangaji Akiya ne: — Ambula mushete wa ndondu wa Maweja-Nangila, ufike nawu apa. (Dituku adi mushete wa ndondu uvua mu mitanda ya bena Izrayele).

1 Samuele 14:3

Mutuangaji uvua muimane muaba awu, ne bintu bia tshijila bivua bibambuluisha mua kuebeja Mvidi Mukulu malu. Mutuangaji awu, dina diende Akiya, muana wa Akitube. Akitube uvua muanabu ne Ikabode (Ikabode uvua muana wa Pinhase, kabidi muikulu wa Eli. Eli ke uvua mutuangaji wa Maweja-Nangila ku Silo.) Ku bena mvita bonsu, muntu nansha umue kavua mumanye ne: Yonatane mmuye kuluisha bena Peleshete to.

1 Samuele 22:20

Anu muntu umue Abiyatare, muana wa mutuangaji Akimeleke, kabidi muikulu wa Akitube, kupandukaye. Kunyemaye, kuya kudi Davide.

1 Samuele 23:2

Ke Davide kukonka Maweja-Nangila ne: — Ndi ne bua kuluisha bena Peleshete aba anyi? Maweja-Nangila kuandamuna ne: — Eyowa, ubaluishe! Nanku neusungidile bena Keyila.

1 Samuele 23:5

Nanku, Davide ne bavuaye nabu, kuyabu mu tshimenga tshia Keyila, kuluisha bena Peleshete. Kubatshimunabu, kushipabu bantu ba bungi ba kudibu. Kunyengabu bimuna biabu. Ke muvua Davide musungidile bena mu tshimenga tshia Keyila nanku.

1 Samuele 23:7

Shawule kumvua lumu ne: Davide mmumane kubuela mu tshimenga tshia Keyila, kuambaye ne: — Mvidi Mukulu wafidi Davide mu bianza bianyi, bualu Davide padiye mubuele mu tshimenga tshidi ne biibi bikole, mmubuele mu buteyi.

1 Samuele 23:9

Davide kumvua lumu ne: Shawule mmumuelele tshifufu tshibi. Nanku, kutumaye diyi bua mutuangaji Abiyatare afike ne bintu bia tshijila bua kukonkabu Mvidi Mukulu bualu abu.

1 Samuele 30:7

Davide kuambila mutuangaji Abiyatare, muana wa Akimeleke, ne: — Mpesha Urime ne Tumime, bintu bia tshijila, bua nkonke Maweja-Nangila. Abiyatare kumupesha bintu abi.