1 Samuele 23:13 - MUKANDA WA MYIDI MUKULU

¹³ Ke Davide ne bantu bavuaye nabu bu nkama isambombu, kumuka mu tshimenga tshia Keyila, kuya benda balalakana mu njila. Shawule kumvua lumu ne: Davide katshiena mu tshimenga tshia Keyila to, mmumane kunyema. Nanku kulekelaye mvita.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hashishe Davidi ne bantu bandi bu nkama isambombo bakajuka, bakumuka mu Kila, bakaya kuakamanyabo mua kuya. Bakamanyisha Shaula ne, Davidi wakumuka mu Kila; yeye wakalekela kuyaku.

1 Samuele 23:13 ပူးပေါင်းရင်းမြစ်များ

2 Samuele 15:18

Bena mudimu ba mukalenga Davide bonsu, kutuadija kuenda kumpala kua mukalenga: bena Kereti ne bena Peleti, bena mvita bavua balame mukalenga; pashishe bena mvita nkama isambombu ba bena Ngate bavua ku luseke lua mukalenga Davide. Bonsu kuendabu kumpala kua mukalenga Davide bua abamone.

2 Samuele 15:20

Wewe udi mufike kundi anu matuku makese aa. Lelu tukadi mua kuya nebe, meme tshiyi mumanye muaba undi nya anyi? Nansha kakese, pingana mu tshimenga. Uye ne bena kuenu. Maweja-Nangila akuambuluishe, akuenzele bimpe.

Yobe 5:12

Udi upumbisha bena budimu meji adibu bela. Midimu idibu bakuata kayena ilubuluka.

Misambu 34:5

Mvua ntendelela Maweja-Nangila, kungitabaye. Kumpandishaye ku bionsu bivua binkuatshisha bowa.

1 Samuele 22:2

Bantu bakuabu bu nkama inayi, bavua ne bilumbu, nansha bavua ne mabanza, nansha bavua babenga bulongolodi bua ditunga, kudisangisha muaba uvua Davide. Davide kushala mfumuabu.

1 Samuele 25:13

Davide kutuma diyi, wamba ne: — Muntu yonsu ambula muela wa mvita! Nanku muntu yonsu kuasa muela wende wamvitaku mikaba. Davide kuambula wende muela wa mvita. Bena mvita bu nkama inayi kuya ne Davide. Bantu bakuabu nkama ibidi, kushala balame mabuki.