1 Samuele 23:10 - MUKANDA WA MYIDI MUKULU

¹⁰ Pashishe Davide kukonka ne: — Maweja-Nangila, Mvidi Mukulu wa bena Izrayele, ndi mumvue lumu ne: Shawule udi udilongolola bua kufika munemu mu Keyila, bua kubutula tshimenga etshi bualu buanyi meme.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hashishe wakamba ne, Yehowa, Nzambi wa Isalele, bulelela, muntu webe wakunvua lumu ne, Shaula udi ukeba mua kulua ku Kila bua kubutula musoko bualu buanyi.

1 Samuele 23:10 ပူးပေါင်းရင်းမြစ်များ

Genese 18:24

Wewe musangane bantu bakane makumi atanu mu musoku awu, udi mua kufuilaku musoku mujima luse, bua kupandisha bantu aba makumi atanu, anyi udi ubutula musoku mujima?

Estere 3:6

Bantu kumuambila kabidi ne: Mordekayi mmuena Yuda. Nanku kumonaye ne: ki mbimpe kunyoka amu Mordekayi nkayende, kadi mbimpe kubutula bena Yuda, bena tshisamba tshiabu bonsu badi basombela mu bukalenga bua Ahashaveroshe.

Nsumuinu 28:15

Mfumu wa tshikisu udi ne bumfumu mu tshisamba tshia bantu bapete, udi bu ntambue udi ukungula, bu nkashama udi ukeba tshiakudia tshiende.

1 Samuele 22:19

Kadi mu tshimenga tshia Nobe tshia batuangaji abu, Shawule kushipesha kabidi bantu bakuabu bonsu: balume, bakaji, bana ne bana ba pambidi, too ne bimuna: ngombe, mpunde, mikoku ne mbuji.

1 Samuele 23:11

Kadi, pikala Shawule mufike bua kuluisha tshimenga, bu mundi mumvue lumu emu, bena tshimenga tshia Keyila nebanufile mu bianza bia Shawule anyi? Maweja-Nangila Mvidi Mukulu wa bena Izrayele, ndi nkusengelela ne: ungandamuneku. Maweja-Nangila kuandamuna ne: — Shawule neafike.

1 Samuele 23:8

Shawule kubikidisha bena mvita bende bonsu bua kuya kuluisha Davide ne bantu bavuaye nabu mu Keyila.

1 Samuele 23:9

Davide kumvua lumu ne: Shawule mmumuelele tshifufu tshibi. Nanku, kutumaye diyi bua mutuangaji Abiyatare afike ne bintu bia tshijila bua kukonkabu Mvidi Mukulu bualu abu.