1 Samuele 23:1 - MUKANDA WA MYIDI MUKULU

¹ Dituku dikuabu, kuambilabu Davide ne: Bena Peleshete badi baluisha bena mu tshimenga tshia Keyila, bibamu ntete ya kuenza bukula idi bantu bashala nayi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bakambila Davidi ne, Bena Peleshete badi baluangana ne Bena Kila, badi biba bintu bia bishihuidi.

1 Samuele 23:1 ပူးပေါင်းရင်းမြစ်များ

Danyele 2:35

Nenku diakamue tshiamu tshifiike, dima, tshiamu tshikunze, tshiamu tshitoke tshia mushinga mukole, ne tshiamu tshia mpawungi, kusunsukabi, kuenza lupuishi ludi lupepele lupepula, mudi bisote bipepuka mu tshikondu tshidibu bapepula ntete. Lupepele kupepula bionsu, kaluyi lushiya kantu ka lupingu nansha kamue. Kadi dibue divua didikume ku lupingu adi kuenzadi mukuna munene, uvua muwuje buloba bujima.

Lewitiki 26:16

nenku nennunyoke mushindu ewu: “Nennukuatshishe bowa, nunyane, nupete disama dia mubidi luya. Makenga aa neanupangishe mua kumona bimpe. Nenushale ne muoyi matuku makese. Nenukune biakudia mu madimi enu, kadi nebabidie amu kudi baluishi benu.

Mika 6:15

Nenukune maminu, kanuyi nunowa. Nenukame bimuma bia olive, kanuyi mua kudilaba mafuta pambidi. Nenukame bimuma bia mvinyo, kadi kanuakunua maluvu.

Dielulula 28:33

Tshisamba tshia bantu banudi kanuyi bamanye, netshinukengeshe, tshinunyenge biakudia bionsu binudi banowe.

Dielulula 28:51

Nebanyenge bimuna bionsu, ne biakudia bionsu binuvua banowe: ntete ya kuenza bukula, maluvu a mvinyo, mafuta, too ne bana ba ngombe, ba mikoku ne ba mbuji. Nenufue, nubutuke bonsu ne nzala.

Yoshua 15:44

Keyila, Akzibe ne Maresha. Bimenga bionsu ebi bivua tshitema; muvua kabidi misoku ivua nabi mutumba.

Balombodi 6:11

Mutumibue wa Maweja-Nangila kufika mu musoku wa Ofra. Kusombaye muinshi mua mutshi wa lusanga mu budimi bua Yowashe, muntu wa mu diku dia Abiyezere. Ngideyone, muana wa Yowashe, uvua ushipuila miepu ya ntete mu tshikaminu tshia maluvu a mvinyo, bua bena Madiyane kabamumonu to.

Balombodi 6:4

Bantu aba, bavua basa mitanda yabu mu madimi a bena Izrayele, bua kunyangakaja biakudia mu madimi, too ne mu madimi awa pabuipi ne tshimenga tshia Ngaza. Kabavua bashila bena Izrayele tshintu tshia kudia. Kabavua babashila nansha mukoku, nansha ngombe, nansha mpunde.