1 Samuele 22:8 - MUKANDA WA MYIDI MUKULU

⁸ Kadi, nuenu bonsu nudi bangelela meji mabi bua tshinyi? Muntu nansha umue kena mummanyisheku ne: muananyi Yonatane mmutue ndondu wa bulunda ne Davide. Muntu nansha umue wa kunudi kena mummanyishe mudi muananyi Yonatane usonsola Davide bua antekele buteyi, bu mudiye muenze lelu!

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bualu kai buonso buenu nuakungelela tshifufu, nansha umue wenu wakummanyisha ne, Muana webe mulume wakahunga dî ne muana wa Yishai? Bualu kai nansha umue wenu udi unyingalasha mutshima wandi bualu buanyi? Bualu kai nansha umue wenu wakummanyisha ne, Muanʼebe mulume wakatombosha muntu webe kûdi, bua kualamineye bu mudiye wenza lelu?

1 Samuele 22:8 ပူးပေါင်းရင်းမြစ်များ

2 Bakalenga 6:11

Bu muvua mukalenga wa bena Izrayele mudianjile kumanya tshifufu tshionsu tshia mukalenga wa bena Siriya, bualu ebu kutonda mukalenga wa bena Siriya bikole bitambe. Nanku mukalenga wa bena Siriya kubikidisha balombodi ba bena mvita bende, ubakonka ne: — Munkatshi muetu mudi muntu udi uya kuambila bena Izrayele malu. Kanuena basue kungambila dina dia muntu awu bua tshinyi?

Yobe 33:16

Diba adi udi utulongesha malu, utubela bikole kashidi.

1 Samuele 18:1

Davide ujikija kuyukila ne Shawule, Yonatane, muana wa Shawule, kutuadija kunanga nsongalume awu bikole. Kumunangaye bu mudi muntu udinanga mene.

1 Samuele 18:3

Kadi bu muvua Yonatane munanga Davide bikole, kutuabu ndondu wa bulunda kashidi.

1 Samuele 20:2

Yonatane kuandamuna ne: — Nansha kakese. Kuena mua kulua to. Tatu kena muanji kuenza bualu nansha bumue, kayi muanji kubungambila. Kadi, uvua munsokoke bualu buudi wamba abu bua tshinyi? Kabiena mua kuenzeka to.

1 Samuele 20:42

Ke Yonatane kuambila Davide ne: — Uye bimpe. Kadi uvuluke ndondu wa bulunda utudi batue nebe mu dina dia Maweja-Nangila, tuamba ne: “Anu Maweja-Nangila nkayende atuambuluishe bua tukumbaje ndondu ewu nebe kashidi, too ne ku ndelanganyi yetu.”

1 Samuele 20:8

Nanku, wewe undeje muudi munnange. Bualu tudi batue nebe ndondu wa bulunda mu dina dia Maweja-Nangila. Pangikala muenze bualu bubi bua mushindu kaayi, unshipe wewe nkayebe pa mutu pa kumfila kudi tatuebe Shawule.

1 Samuele 22:13

Mukalenga Shawule kumukonka ne: — Wewe ne muana wa Ishayi, nudi bangelela meji mabi bua tshinyi? Wewe uvua mupeshe muana wa Ishayi biakudia, mumupeshe kabidi ne muela. Pashishe uvua mukonke Mvidi Mukulu bua Davide kuntombokela, kunteya bu mudiye muenze lelu!

1 Samuele 23:21

Shawule kubambila ne: — Maweja-Nangila anuele lupemba, bua luse lunudi bamfuile.