1 Samuele 22:7 - MUKANDA WA MYIDI MUKULU

⁷ Ke Shawule kubambila ne: — Nuenu bena Binyamine, telejayi! Muana ewu wa Ishayi, neanupeshe bonsu bintu bindi meme Shawule munupe anyi? Neanupeshe madimi ne mionji ya maluvu a mvinyo anyi? Davide neanuteke balombodi ba bisumbu bia bena mvita bende anyi? Nansha kakese!

Mukanda wa Nzambi Dihungila Dikulukulu ne Dihungila Dihia-dihia 2003

⁷ Shaula wakebesha bantu bandi bakadi bimane kudiye ne, Nuenu Bena Benyamina, unvuai, Muana eu wa Yishai neanuhe madimi ne madimi a tumuma tukese, anyi? Yeye neanusunguile tupitene tua binunu bia bantu ne tupitene tua nkama ya bantu, anyi?

1 Samuele 22:7 ပူးပေါင်းရင်းမြစ်များ

2 Samuele 18:1

Mukalenga Davide kubandila bena mvita bende bavuaye nabu. Kusungulaye balombodi ba bisumbu binene ne bikese bia bena mvita.

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

1 Bakalenga 12:16

Bena Izrayele ba ku mutu, bamane kumvua ne: mukalenga Robowame kena muitabe dilomba diabu, kuandamunabu ne: — Davide katuena nende bualu, katuena basue kulonda muana wa Ishayi to! Bena Izrayele, tupinganayi ku nzubu yetu; wewe muntu wa ku ndelanganyi ya Davide, shala ne bukalenga buebe mpindiewu! Ke bena Izrayele kumuka muaba awu.

1 Kulondolola 12:16

Bobu aba ke bavua basabuke Yardene mu ngondu wa kumpala wa tshidimu, tshikondu tshidi mayi apasalala nseke yonsu. Kuipatabu bantu bonsu bavua base mu bibandabanda nansha bia kudi diba dipatukila nansha bia kudidi dibuelela.

Yeshaya 11:1

Lutonga ludi lupatuka ku tshikuku tshia Ishayi. Ditamba dipiadipia didi dimena ku miji yende.

Yeshaya 11:10

Muana wa ku ndelanganyi ya Ishayi neikale mulombodi wa bukua bisamba. Bukua bisamba nebuye kumulomba meji. Muaba wikalaye musombe, neukenke ne butumbi bua Mvidi Mukulu.

1 Samuele 18:14

Nanku, Davide uvua ne diakalenga mu midimu yonsu iwaye wenza, bualu Maweja-Nangila uvua umuambuluisha.

1 Samuele 20:27

Kadi, dituku dibidi dia tshibilu, Shawule umona kabidi mu nkuasa wa Davide mutupu, kamuyi muntu, kukonkaye Yonatane ne: — Davide kena mufike ku didia dia tshibilu makelela ne lelu bua tshinyi?

1 Samuele 20:30

Shawule kufikila Yonatane munda bikole, umupenda ne: — Kana kalela kudi mbua! Ndi mumanye ne: udi musungule Davide, muana ewu wa Ishayi, bua kuikalaye mulunda webe. Kadi umanye ne: wewe ne mamuebe, bundu nebunukuate.

1 Samuele 22:13

Mukalenga Shawule kumukonka ne: — Wewe ne muana wa Ishayi, nudi bangelela meji mabi bua tshinyi? Wewe uvua mupeshe muana wa Ishayi biakudia, mumupeshe kabidi ne muela. Pashishe uvua mukonke Mvidi Mukulu bua Davide kuntombokela, kunteya bu mudiye muenze lelu!

1 Samuele 22:9

Doweje, muena Edome, uvua munkatshi mua bena mudimu ba Shawule, kumuambilaye ne: — Dituku dikuabu, mvua mumone muana wa Ishayi, ufika ku Nobe kudi mutuangaji Akimeleke, muana wa Akitube.

1 Samuele 25:10

Kadi Nabale kubakonka ne: — Davide wa Ishayi nnganyi? Matuku aa, bapika ba bungi badi batombokela bamfumu babu, babanyema.