1 Samuele 22:3 - MUKANDA WA MYIDI MUKULU

³ Davide kumuka mu lubuebue lua Adulame, kuya ku Mispa mu Mowabe. Kuambila mukalenga wa bena Mowabe ne: — Anyisha bua tatu wanyi ne mamu wanyi balue kuasa munemu, too ne pangamanya tshidi Mvidi Mukulu musue kungenzela.

Mukanda wa Nzambi Dihungila Dikulukulu ne Dihungila Dihia-dihia 2003

³ Davidi wakumukaku, wakaya ku Misepa wa mu Moaba; yeye wakambila mukelenge wa Moaba ne, Witabushe bua tatuʼanyi ne mamuʼanyi balue, bashikame nʼebe tô ne hanamanya tshidi Nzambi musue kungenzela.

1 Samuele 22:3 ပူးပေါင်းရင်းမြစ်များ

Genese 47:11

Yakobe ne bana bende kusomba mu ditunga dia Ejipitu, muaba muimpe uvua Yozefe mubasunguile bua wikale wabu. Bavua basombe pabuipi ne tshimenga tshia Ramsese, bu muvua mukalenga wa bena Ejipitu muambe.

2 Samuele 8:2

Davide kutshimuna kabidi bena Mowabe. Kubaladikaye panshi. Ku bantu basatu, uvua ushipa babidi ba kudibu, ushiya amu muntu umue ne muoyi. Biangatshile musangu awu, bena Mowabe, kushala ku bumfumu bua Davide. Kubalambuishaye bitadi.

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

1 Timote 5:4

Kadi padi mukaji mukamba ne bana, nansha ne bikulu, bana aba badianjile kukumbaja tshidi bena ditaba ne bua kuenzela bena diku diabu. Nanku bakuatshile mamuabu, nansha kakuabu, mudimu, muvua bamamu babakuatshile kumpala. Ke tshidi Mvidi Mukulu musue.

Balombodi 11:29

Mueyelu wa Maweja-Nangila kutulukila Yefete. Kuendakanaye mu buloba bua Ngilaade ne bua Menashe. Kupitshilaye ku Mispa mu Ngilaade, bua kufika mu buloba bua bena Amone.

Rute 4:10

Ndi mpiana kabidi Rute, muena Mowabe, uvua mukaji wa Malone, udi ushala mukajanyi. Nanku bintu nebishale mu dina dia mufue. Nanku dina diende kadiakujimina. Nebashale baditela mu bisombelu ne mu diabu ditunga.

Rute 4:17

Bakaji bena mutumba kutendakena muana, bamba ne: “Baleledi Nowemi muana!” Kumuinyikabu dina ne: Obede. Yeye ke tatuende wa Ishayi. Ishayi ntatuende wa Davide.

1 Samuele 14:47

Anu Shawule upeta bukalenga mu bena Izrayele, kuluishaye baluishi bende bavua ku nseke yonsu: bena Mowabe, bena Amone, bena Edome, bena mu bukalenge bua Soba, ne bena Peleshete. Miaba yonsu ayi, Shawule uvua anu utshimuna.

1 Samuele 22:2

Bantu bakuabu bu nkama inayi, bavua ne bilumbu, nansha bavua ne mabanza, nansha bavua babenga bulongolodi bua ditunga, kudisangisha muaba uvua Davide. Davide kushala mfumuabu.

1 Samuele 22:4

Davide kuya ne baledi bende mu lubanza lua mukalenga wa bena Mowabe. Kushalabu mu lubanza amu matuku onsu avua Davide munyemena mu lubuebue.

1 Samuele 3:18

Nanku Samuwele kena musokoke bualu nansha bumue. Eli kuamba ne: — Yeye udi Maweja-Nangila! Enze mudiye musue.