1 Samuele 22:17 - MUKANDA WA MYIDI MUKULU

¹⁷ Ke mukalenga kuambila bena mvita bende bavua bamulame, bimane eku ne eku, ne: Shipayi batuangaji ba Maweja-Nangila aba tumone, bualu bavua bambuluisha Davide. Bavua bamanya ne: Davide mmunyeme. Kadi kabena bammanyisha to. Kadi, ku bena mvita ba Shawule bavua bamulame, muntu nansha umue kavua musue kulenga batuangaji ba Maweja-Nangila bua kubashipa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mukelenge wakambila bantu bandi bakadi bimane kudiye ne, Shihai bakuidi ba Yehowa, bualu bua bianza biabo bidi kudi Davidi; bobo bakamanya ne, Davidi wakadi munyeme, kabakungambila. Kadi bantu ba mukelenge bakahidia kulenga bakuidi ba Yehowa bianza biabo.

1 Samuele 22:17 ပူးပေါင်းရင်းမြစ်များ

2 Samuele 15:1

Pashishe, Absalome kusumba ditempu, ne nyama ya tubalu, kusangisha kabidi bena mvita makumi atanu bavua banyema lubilu kumpala kua ditempu diende.

1 Bakalenga 1:5

Tshikondu atshi Adoniya, muana uvua Davide mulele ne mukajende Agite, uvua nsongalume muimpe mutambe. Adoniya kuakula bu mupinganyi wa mukalenga, wamba ne: “Meme nengikale mukalenga!” Bualu katshia Absalome wafua, Adoniya uvua mushale muanabute wa Davide. Uvua mumane kusumba matempu a mvita ne tubalu. Uvua kabidi ne bena mvita makumi atanu, bavua banyema lubilu kumpala kua matempu ende a mvita.

1 Bakalenga 14:27

Pashishe, mukalenga Robowame kuenzeja ngabu mikuabu ya tshiamu tshikunze ya kupingaja pa kuabu bangata ayi. Ngabu ayi, Robowame kuyipesha bamfumu ba bena mvita, bavua balame biibi bia nzubu wa bukalenga.

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

2 Bakalenga 10:25

Yehu mumane kulambula milambu, kutuma diyi kudi bena mvita ne bamfumu babu, ubambila ne: — Buelayi, nushipe bantu aba bonsu! Muntu nansha umue kena mua kupatuka mu nzubu emu ne muoyi to. Nanku, kushipabu bantu abu bonsu, kuimansha bitalu biabu pambelu. Pashishe, kubuelabu mu nzubu muvuabu batendelela mvidie Baale.

Ekesode 1:17

Kadi baleleshi bavua batshina Mvidi Mukulu. Nanku kubengabu diyi dia mukalenga wa bena Ejipitu. Kulekelabu bana ba balume ne muoyi.

Bienzedi 4:19

Ke Petro ne Yowanane kubandamuna ne: — Tshidi tshimpe ku mesu a Mvidi Mukulu ntshinyi? nKunuitaba nuenu anyi, nkumuitaba Yeye? Nudiambile nuenu nkayenu!

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.

1 Samuele 2:31

Nkadi pa kumusha bantu bonsu badi bamane kukola, bakulakaje, ba mu nzubu muebe ne ba mu diku diebe, bua kabasanganyimu kabidi muntu mukulakaje to.

1 Samuele 20:33

Shawule kuela difuma bua kuasa Yonatane. Nanku, Yonatane kumanya ne: tatuende Shawule mmupangidike bulelela bua kushipa Davide.

1 Samuele 22:13

Mukalenga Shawule kumukonka ne: — Wewe ne muana wa Ishayi, nudi bangelela meji mabi bua tshinyi? Wewe uvua mupeshe muana wa Ishayi biakudia, mumupeshe kabidi ne muela. Pashishe uvua mukonke Mvidi Mukulu bua Davide kuntombokela, kunteya bu mudiye muenze lelu!

1 Samuele 22:16

Mukalenga Shawule kuambila mutuangaji Akimeleke ne: — Wewe ne bena mu nzubu webe nenufue bonsu.

1 Samuele 25:17

Nanku mpindiewu, ela meji bimpe, ukebe tshitudi mua kuenza. Bualu dikenga nedikuate mfumu Nabale ne bena nzubu wende, kamuyi mpata to. Nabale mmuntu wa malu makole. Kena musue bua muntu mukuabu kumuambilaye bualu to.

1 Samuele 8:11

— Numanye ne: mukalenga washala mfumuenu neanukengeshe mushindu ewu: Munkatshi mua bana benu ba balume, neasungule bena mvita badi mua kuendesha matempu ende a mvita, badi mua kubanda pa nyama yende ya tubalu, nansha badi mua kunyema kumpala kua ditempu diende.