1 Samuele 21:7 - MUKANDA WA MYIDI MUKULU

⁷ Ke mutuangaji Akimeleke kupesha Davide mampa avuabu bamane kujidila, bualu kavua ne mampa makuabu to. Mampa awu bavua bamane kualambula Maweja-Nangila, pashishe baumushe mu nzubu wa Mvidi Mukulu, bua kupingaja mampa makuabu mapiamapia.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Muena mudimu wa Shaula wakadiku dituku adi, mukandibue ku mesu kua Yehowa, dina diandi Doege, Muena Edome, kahita ka balami ba mikoko ya Shaula.

1 Samuele 21:7 ပူးပေါင်းရင်းမြစ်များ

Genese 26:20

Balami ba mikoku ba mu Ngerare, kubunda balami ba mikoku ba Izake, bamba ne: — Mpokolu wa mayi ewu nguetu. Izake kuinyika mpokolu ewu dina ne: “Matandu” (Esheke), bualu bavua bamukeba matandu.

1 Kulondolola 27:29

Shitrayi, wa mu Sarone, uvua mutangidi wa ngombe ivua idia mu mpata, pabuipi ne tshimenga tshia Sarone. Shafate, muana wa Adlayi, uvua mutangidi wa ngombe ivua mu mpata mikuabu.

1 Kulondolola 27:31

Yazize, muena mu Agri, uvua ulama bisumbu bia mikoku ne bia mbuji. Aba bonsu ke bavua balombola balami ba bintu bia mukalenga Davide.

2 Kulondolola 26:10

Uvua muibake kabidi ne bibumba bia batentekedi mu buloba bua mu tshipela. Uvua mumbule bina bia mayi bia bungi, bualu uvua ne bimuna bivule ku muelelu wa Mayi manene, ne mu mpata. Uvua kabidi ne babidime, ne bena mudimu ba mitshi ya mvinyo pa mikuna, ne mu madimi a mvinyo, bualu uvua mupite kunanga didima.

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Lewitiki 22:10

“Muntu udi kayi mutuangaji, nansha yeye muena mudimu wa mutuangaji, nansha muenyi wende, kena mua kudia biakudia bia tshijila ebi to.

Lewitiki 22:13

Kadi padi muana wa bakaji wa mutuangaji ushala mukamba, nansha dibaka diende difue kayi mulela, padiye upingana kabidi kumbelu kua tatuende, udi mua kudia biakudia bia tshijila. Pa kumusha bualu ebu, muntu udi kayi mutuangaji kena mua kubidia to.

Lewitiki 24:5

“Wangate bukula, wenze mikata dikumi ne ibidi, mukata onsu wikale ne bujitu bua kilo isambombu.

Lewitiki 24:8

“Tshibidilu etshi netshishale mu bena Izrayele bua bikale bangoshila mikata ya nanku dituku dionsu dia Dikisha.

Amosa 8:5

Nudi nuebejangana ne: “Bibilu bia ngondu mupiamupia nebijike diba kaayi, bua tumone mua kupana tshiakabidi ntete yetu ya kuenza bukula! Dituku dia Dikisha ki ndijike anyi, bua tumone mua kukangula, biibi bia mayeba etu! Netukepeshe bipimu bia ntete, netubandishe mushinga. Netunyangakaje tshiamu tshia kupima natshi bua tumone mua kudinga bantu.”

Matayi 15:8

“Bantu aba badi bannemeka amu ne miaku patupu, kadi muoyi wabu udi kule, kawena kundi.

1 Samuele 11:5

Shawule utshivua ufumina ku madimi ne ngombe yende. Kukonkaye tshivua bantu bonsu badidila. Kumuambilabu bionsu bivua bena Yabeshe bamba.

1 Samuele 14:47

Anu Shawule upeta bukalenga mu bena Izrayele, kuluishaye baluishi bende bavua ku nseke yonsu: bena Mowabe, bena Amone, bena Edome, bena mu bukalenge bua Soba, ne bena Peleshete. Miaba yonsu ayi, Shawule uvua anu utshimuna.

1 Samuele 21:8

Dituku adi, muena mudimu wa Shawule uvua mu nzubu wa Maweja-Nangila, bua kukumbaja dilaya divuaye nadi. Muntu awu uvua muena Edome, dina diende Doweje. Uvua ne bukole bupite balami bakuabu ba mikoku ba mukalenga Shawule.

1 Samuele 22:10

Mutuangaji Akimeleke kukonka Maweja-Nangila bua kumanya tshivua Davide ne bua kuenza. Pashishe kupeshaye Davide biakudia, kumupesha kabidi ne muela wa Ngoliyate, muena Peleshete.

1 Samuele 22:22

Davide kumuambila ne: — Dituku adi, mvua mumone Doweje, muena Edome, muikale ku Nobe. Mvua anu mumanye ne: Doweje neambile Shawule malu onsu. Nanku, meme Davide ndi ne tshilumbu tshia lufu lua bena nzubu wenu bonsu.

1 Samuele 22:9

Doweje, muena Edome, uvua munkatshi mua bena mudimu ba Shawule, kumuambilaye ne: — Dituku dikuabu, mvua mumone muana wa Ishayi, ufika ku Nobe kudi mutuangaji Akimeleke, muana wa Akitube.