1 Samuele 21:2 - MUKANDA WA MYIDI MUKULU

² Davide kuya ku Nobe, kumutuangaji Akimeleke. Akimeleke kuya kumuakidila ne bowa, umukonka ne: — Davide, muudi mufike apa anu nkayebe, kuyi ne muntu mukuabu, mbishi?

Mukanda wa Nzambi Dihungila Dikulukulu ne Dihungila Dihia-dihia 2003

² Davidi wakambila Ahimeleke muakuidi ne, Mukelenge wakuntuma bua mudimu wandi: yeye wakungambila ne, Kumanyishi muntu bua mudimu unakakutumina anyi bua mei anakakuambila; nakamana kutuma bantu ku muaba ne ku muaba.

1 Samuele 21:2 ပူးပေါင်းရင်းမြစ်များ

Genese 27:20

Izake kumukonka ne: — Muananyi, wapetshi bimvua mukulombe anu lukasa lukasa nanku mushindu kayi? Yakobe kuandamuna ne: — Maweja-Nangila Mvidi Mukulu webe uvua muntutshishe dikasa dimpe mu njila.

Genese 27:24

kumukonkaye tshiakabidi ne: — Wewe udi Esawu muanabute wanyi menemene anyi? Yakobe kuitaba ne: — Eyowa, mmeme.

1 Bakalenga 13:18

Kadi, muambi mukulumpe kusuminyina bikole, wamba ne: — Meme kabidi ndi muambi bu wewe. Mutumibue wa Mvidi Mukulu uvua muakule nanyi mu dina dia Maweja-Nangila. Uvua muntume bua tupingane nebe ku nzubu kuanyi bua wewe kudia ne kunua. Bulelela, uvua ushima bionsu ebi.

Nehemya 11:32

mu Anatote, Nobe, Ananiya,

Misambu 119:29

Ungumbushe mu njila wa dishima, ummanyishe mikenji yebe bua bulenga buebe.

Misambu 141:3

Maweja-Nangila, lama mukana muanyi, kuba mishiku yanyi.

Yeshaya 10:32

Dituku dimue adi bena Ashure badi bakuata tshimenga tshia Nobe. Badi bakanyina bena mu Siyone, mukuna wa Yerushalayime.

Ngalate 2:12

Bantu bavua Yakobe mutume kabayi banji kufika, Petro uvua udia pamue ne bena ditaba ba bisamba bikuabu. Kadi bantu abu bamane kufika, yeye kusesuka, kayi musue kudia kabidi ne bantu ba bisamba bikuabu. Uvua utshina bena Yuda badi balongesha mudibu ne bua kuteka bantu panshi.

Kolose 3:9

Kanushiminyinyanganyi, bualu nuvua bavuule muntu mukulukulu ne bibidilu biende.

1 Samuele 19:17

Shawule kukonka Mikale ne: — Udi munshime nenku bua tshinyi? Udi mulekele muluishi wanyi unyema bua tshinyi? Mikale kuandamuna ne: — Bualu Davide uvua mungambile ne: “Undekele, nnyeme! Tshianana ndi nkushipa!”

1 Samuele 21:3

Davide kuandamuna ne: — Mukalenga Shawule mmuntume, kadi mmungambile ne: “Kuambidi muntu nansha umue bualu bundi nkutumina.” Nanku, bantu batudi nabu, ndi mumane kubambila bua tuetu kusambakena muaba mukuabu.

1 Samuele 22:22

Davide kumuambila ne: — Dituku adi, mvua mumone Doweje, muena Edome, muikale ku Nobe. Mvua anu mumanye ne: Doweje neambile Shawule malu onsu. Nanku, meme Davide ndi ne tshilumbu tshia lufu lua bena nzubu wenu bonsu.

1 Samuele 22:9

Doweje, muena Edome, uvua munkatshi mua bena mudimu ba Shawule, kumuambilaye ne: — Dituku dikuabu, mvua mumone muana wa Ishayi, ufika ku Nobe kudi mutuangaji Akimeleke, muana wa Akitube.