1 Samuele 20:32 - MUKANDA WA MYIDI MUKULU

³² Yonatane kukonka ne: — Udi ne bua kufua bua tshinyi? Tshidiye muenze tshibi ntshinyi?

Mukanda wa Nzambi Dihungila Dikulukulu ne Dihungila Dihia-dihia 2003

³² Yonatana wakebesha tatuʼandi Shaula ne, Neumushihe bualu kai? Yeye Wakenza tshinyi?

1 Samuele 20:32 ပူးပေါင်းရင်းမြစ်များ

Genese 31:36

Yakobe kufika munda, kutandisha Labane wamba ne: — Tshivua mukuenzele bualu bubi, nansha mubunde tshilumbu bua wewe kundondakaja mushindu ewu to.

Nsumuinu 22:24

Kuena mua kudia bulunda ne muntu muena tshiji. Kuendi ne muntu udi ufika munda lukasa.

Muambi 7:9

Kufiki munda lukasa, bualu tshiji mmudimu wa bantu bapote.

Muambi 9:3

Bantu bonsu badi mushindu umue. Ku ndekelu badi ne tshipeta amu tshimue. Bantu badi benza bibi, badi bajinga amu malu a butshimbakane. Kadi ku ndekelu kua bionsu nebafue.

Yirmeya 17:9

— Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

Matayi 27:23

Pilate kubakonka ne: — Mmuenze bualu bubi kaayi? Kadi kuelabu mbila mikole mipite, bamba ne: — Umupopele pa mutshi mutshiamakane!

Luke 23:22

Pilate kubakonka kabidi musangu muisatu ne: — Kadi bualu kaayi bubi budiye muenze? Tshiena mumusangane ne tshilema nansha tshimue tshidiye mua kutuila. Nanku ndi musue anu kumukumisha mikaba. Pashishe nemmulekele.

Yowanane 7:51

— Bilondeshile mikenji yetu, katuena mua kupisha muntu katuyi banji kumvua bidiye wamba, katuyi bamanye bivuaye muenze.

1 Samuele 18:11

Diakamue Shawule kufuna ne difuma, udiambila ne: “Ndi mbambila Davide ku tshimana eku.” Shawule kuela difuma misangu ibidi, Davide kupanduka.

1 Samuele 19:4

Yonatane mumane kutumbisha Davide kudi tatuende Shawule bua malu mimpe a Davide, kumuambilaye kabidi ne: — Wewe mukalenga, kuena mua kuenzela muntu webe Davide bibi to. Bualu Davide kena muanji kukuenzela bibi to. Bionsu bidiye wenza bidi anu bua kukuambuluisha wewe.

1 Samuele 19:5

Uvua mua kufua mu mvita iwaye uluangana ne Ngoliyate muena Peleshete. Dituku adi, Maweja-Nangila kuambuluisha bena Izrayele, kutshimunabu bena Peleshete bikole. Wewe uvua mumone bionsu abi, wewe kusanka bikole. Kadi mpindiewu, udi musue kupia tshibawu, kumatshisha mashi a muntu udi kayi ne bualu panshi bua tshinyi? Udi ukeba kushipa Davide kayi ne tshidiye muenze bua tshinyi?

1 Samuele 20:1

Davide kumuka ku Nayote pabuipi ne Rama, kuya kudi Yonatane, muana wa Shawule, umukonka ne: — Mbualu bubi kaayi bundi muenze? Ntshilema kaayi tshindi muenzele tatuebe? Shawule udi ukeba kunshipa.

1 Samuele 20:7

Pikala tatuebe Shawule muitabe, umanye ne: kakuena bualu. Tshiena mfua to. Kadi, pikalaye mufike munda, neumanye ne: tatuebe mmumane kujadika bua kunshipa.

1 Samuele 22:14

Akimeleke kuandamuna ne: — Mukalenga, munkatshi mua bena mudimu bebe, mudiku muntu mukuabu udi mukulamate bu mudi Davide anyi? Davide udi muku webe, kabidi udi mfumu wa bena mvita badi bakulama. Bantu bonsu badi mu nzubu muebe, badi bamutumbisha bikole.