1 Samuele 20:16 - MUKANDA WA MYIDI MUKULU

¹⁶ Ke Yonatane kutua ndondu wa bulunda ne Davide, kabidi ne bena nzubu wa Davide, ubambila ne: “Maweja-Nangila nkayende asombuele bena lukuna ba Davide.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku Yonatana wakahunga tshihungidi ne ba mu nsubu wa Davidi, Wamba ne, Yehowa neatshimone ku bianza bia bena lukuna ba Davidi.

1 Samuele 20:16 ပူးပေါင်းရင်းမြစ်များ

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

2 Samuele 21:8

Kadi kubikidishaye Armoni ne Mefiboshete, bana ba balume babidi bavua Rispa, muana wa Aya, mulele ne bayende Shawule. Kubikidishaye kabidi bana ba balume batanu bavua Mikale, muana wa Shawule, mulele ne bayende Adriyele, muana wa Barzilayi wa mu Abele-Mekola.

Yirmeya 40:9

Ngedaliya kubambila ne: — Kanutshinyi to. Anyishayi bukalenga bua bena Babilone. Sombayi mu ditunga. Nuitabe bumfumu bua mukalenga wa Babilone. Ndi nnulaya ne: nenuikale ne diakalenga.

Dielulula 23:21

Kadi nudi mua kulomba bintu bia kasombela, anu kudi muenyi udi munkatshi muenu. Kanulombi kudi muanenu. Nukumbaje mikenji eyi mu ditunga dinuakuata, bua Maweja-Nangila Mvidi Mukulu wenu anuele lupemba mu bionsu binudi nuenza.

Yoshua 22:23

Patuikala babenge Maweja-Nangila, base tshilambuilu etshi mu dina dietu, bua kulambuilapu milambu ya kuosha, ya bintu bia mu madimi, nansha ya bobumue, anu Maweja-Nangila nkayende atunyoke!

1 Samuele 18:3

Kadi bu muvua Yonatane munanga Davide bikole, kutuabu ndondu wa bulunda kashidi.

1 Samuele 20:42

Ke Yonatane kuambila Davide ne: — Uye bimpe. Kadi uvuluke ndondu wa bulunda utudi batue nebe mu dina dia Maweja-Nangila, tuamba ne: “Anu Maweja-Nangila nkayende atuambuluishe bua tukumbaje ndondu ewu nebe kashidi, too ne ku ndelanganyi yetu.”

1 Samuele 22:8

Kadi, nuenu bonsu nudi bangelela meji mabi bua tshinyi? Muntu nansha umue kena mummanyisheku ne: muananyi Yonatane mmutue ndondu wa bulunda ne Davide. Muntu nansha umue wa kunudi kena mummanyishe mudi muananyi Yonatane usonsola Davide bua antekele buteyi, bu mudiye muenze lelu!

1 Samuele 23:18

Yonatane ne Davide kutua ndondu wa bulunda mu dina dia Maweja-Nangila. Ke Yonatane kupingana kuende, Davide kushalaye ku Orsha.

1 Samuele 25:22

Nanku, patuamba kufika malaba dinda, Mvidi Mukulu annyoke ne dinyoka dikole, pangikala tshiyi mubutule bena diku dia Nabale bonsu.”

1 Samuele 25:26

Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.

1 Samuele 31:2

Bena Peleshete kuluisha Shawule ne bantu bende bikole, kushipa Yonatane, Abinadabe ne Malkishuwa, bana ba mukalenga Shawule.