1 Samuele 20:1 - MUKANDA WA MYIDI MUKULU

¹ Davide kumuka ku Nayote pabuipi ne Rama, kuya kudi Yonatane, muana wa Shawule, umukonka ne: — Mbualu bubi kaayi bundi muenze? Ntshilema kaayi tshindi muenzele tatuebe? Shawule udi ukeba kunshipa.

Mukanda wa Nzambi Dihungila Dikulukulu ne Dihungila Dihia-dihia 2003

¹ Davidi wakanyema ku Nayota hehi ne Lama, wakaya kudi Yonatana, wakamukonka ne, Nakuenza tshinyi? Dihanga dianyi didi tshinyi? Nakuenza bualu bubi kai ku mesu kua tatu webe bua yeye udi ukeba muoyo wanyi?

1 Samuele 20:1 ပူးပေါင်းရင်းမြစ်များ

Misambu 54:3

Mvidi Mukulu wanyi, umpandishe bua bantu banemeke dina diebe. Umbingishe, bualu udi ne bukole bua kuenza nanku.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

2 Petro 2:9

Bualu Mfumu udi mumanye mua kupatula mu makenga bantu badi bamutumikila. Udi mumanye kabidi mua kulama bantu badi benza bibi, bua kubanyoka dituku dia kubalumbuluisha.

1 Yone 3:21

Nanku, balunda banyi, padi kondu ketu ka munda kakayi katupisha kabidi, tudi mua kumueneka kumpala kua Mvidi Mukulu katuyi ne dipampakana.

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.

1 Samuele 19:1

Shawule kumanyisha muanende Yonatane, ne balombodi bonsu ba bukalenga buende meji avuaye muele bua kushipa Davide. Kadi bu muvua Yonatane munange Davide bikole,

1 Samuele 19:18

Ke muvua Davide munyema. Kuyaye kudi Samuwele ku Rama. Kumuambilaye bionsu bivua Shawule mumuenzele abi. Pashishe kuyabu kusomba bonsu babidi ku Nayote.

1 Samuele 20:2

Yonatane kuandamuna ne: — Nansha kakese. Kuena mua kulua to. Tatu kena muanji kuenza bualu nansha bumue, kayi muanji kubungambila. Kadi, uvua munsokoke bualu buudi wamba abu bua tshinyi? Kabiena mua kuenzeka to.

1 Samuele 20:32

Yonatane kukonka ne: — Udi ne bua kufua bua tshinyi? Tshidiye muenze tshibi ntshinyi?

1 Samuele 24:11

Lelu ewu, ujadike ne: Maweja-Nangila uvua mukufile mu bianza bianyi mu lubuebue emu. Bakungambila bua meme kukushipa. Kadi meme kukufuila luse. Tshivua musue kukushipa to. Bualu Maweja-Nangila ke uvua mukusungule bua wikale mukalenga.

1 Samuele 24:12

Tangila, mukalenga wanyi, tangila tshindi mukuate ku bianza etshi. Ndi ne tshipesa tshia muntumpu webe! Ndi mukose anu tshipesa tshia muntumpu webe, kadi tshiena mukushipe to, bua kujadika ne: tshiena ne dijinga dia kukuenzela bibi, nansha kukutombokela. Udi mumone ne: meme Davide tshiena mukuenzele bubi nansha bumue. Anu wewe udi wenda ungipata bua kunshipa.

1 Samuele 24:17

Davide ujikija kuakula, Shawule kumukonka ne: — Mulunda wanyi Davide, udi wakula nanku ngwewe menemene anyi? Shawule kudila muadi bikole.

1 Samuele 24:9

Pashishe Davide kupatuka mu lubuebue, ulonda Shawule. Kumuelaye diyi ne: — Mukalenga Shawule, mukalenga Shawule! Shawule ukenzakana, utangila panyima. Davide kutua mpala panshi ne kanemu,

1 Samuele 26:18

Davide kumukonka kabidi ne: — Mukalenga Shawule, udi wenda unkeba bua tshinyi? Ndi mukuenzele tshinyi? Mbualu bubi kaayi bundi mukuenzele.