1 Samuele 2:9 - MUKANDA WA MYIDI MUKULU

⁹ Maweja-Nangila udi mulame bantu badi bamunemeka. Kadi badi bamubenga nebafue mu midima. Bualu muntu kena mua kutshimuna ku bukole buende nkayende to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye nealame makasa a bantu bandi ba tshijila, kadi neahuwishe bantu babi mu mîdima: bualu bua muntu kena utamba ku bukole buandi.

1 Samuele 2:9 ပူးပေါင်းရင်းမြစ်များ

Yobe 18:18

Nebamuipate mu butoke, bua abuele mu miidima. Nebamuipate mu buloba budi bantu base.

Yobe 40:13

Ubajike bonsu pamue mu lukita, ubatume mu kandondu ka bafue.

Yobe 5:16

Nanku bapela badi mua kutekemena tshiakabidi. Kadi benji ba malu mabi kabena mua kuakula kabidi to.

Yobe 5:24

Mu nzubu muebe nemuikale bupole, paudi ubala mikoku yebe, neuyisangane amu yonsu katakata.

Misambu 1:6

Bualu Maweja-Nangila udi ulombola badi bamulamata. Kadi badi kabayi bamuitaba, nebabutuke.

Misambu 105:37

Kupatulaye bantu bende ne biamu bitoke bia mushinga mukole, ne biamu bia mpawungi, kakuvua muntu wa ku bisamba biabu nansha umue uvua ne dikasa dibi.

Misambu 121:3

Akuepule, kututshi dikasa dibi, akulame, kayi upungila!

Misambu 121:5

Neakulame, neikale papuipi nebe, neikale tshisokomenu tshiebe.

Misambu 121:8

Eyowa, Maweja-Nangila neakulame, muwaya ne muwafika, ku mpindiewu ne kashidi!

Misambu 145:20

Maweja-Nangila udi ukuba bonsu badi bamunanga, kadi ubutula bantu babi bonsu.

Misambu 31:17

Ungakidile bimpe, bualu ndi muntu webe. Umpandishe, bualu udi munnange.

Misambu 37:28

Bualu Maweja-Nangila kena ulekela bantu bende, mmusue ne: bonsu benzelangane bimpe. Benji ba bibi nebabutuke kashidi, ndelanganyi yabu neijimine.

Misambu 94:18

Maweja-Nangila, misangu imvua ngamba ne: “Tshiena mua kuimana kulu”, malu ebe mimpe avua angimanyika.

Misambu 97:10

Nuenu badi banange Maweja-Nangila, nukine malu mabi. Maweja-Nangila udi ulama mioyi ya badi bamulamata, udi ubapandisha kudi bantu babi.

Nsumuinu 16:9

Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Nsumuinu 2:8

Udi wambuluisha badi benzelangana bimpe, ulama badi badifila kudiye.

Nsumuinu 3:26

Bualu Maweja-Nangila neakulame mu bupole, neakumushile mateyi. Unange muntu nebe

Muambi 5:17

Nanku tshindi mumanya tshidi nunku: diakalenga dia muntu ke kudia, ne kusanka ne bidiye upeta ku midimu yende matuku onsu adiye ne muoyi pa buloba. Ke mudimu udi Mvidi Mukulu utufundila panu!

Muambi 9:11

Ndi mumone kabidi malu a bungi pa buloba. Bena lubilu lukole kabatu bapita bantu bonsu mu diteta dia kunyema lubilu to. Badi batshimuna mu mvita kabena misangu yonsu bilobu nansha. Badi bimpe pa buloba ki mbena meji to. Badi bapeta biuma ki mbena lungenyi misangu yonsu to. Badi bapeta lumu ki mbadi bamanye malu to. Muntu yonsu udi mua kupeta dikasa dibi.

Yeshaya 27:3

“Meme Maweja-Nangila, ndi mulami wa budimi. Ndi ngelamu mayi pa diba, ndi mbulama munya ne bufuku, bua muntu nansha nyama kabunyangi.

Yeshaya 47:5

Wewe Babilone, somba talalaa, puwa. Sokoma mu miidima, bualu udi mujimije muanzu webe wa “Mukalenga mukaji wa makalenga mangi.”

Yirmeya 8:14

Tudi basombe muaba ewu bua tshinyi? Tudisangishayi lukasa, tuyayi mu bimenga bivuabu bakolesha ne bimana, tuyayi bua kuindilamu lufu. Eyowa, Maweja-Nangila Mvidi Mukulu wetu, mmumane kutufundila lufu, bua tuetu kunua mayi mabi adi ne lulengu, bualu tudi batombokele Maweja-Nangila.

Yirmeya 9:23

Pikala muntu musue kuditambisha, aditambishe anu pikalaye mummanye meme Maweja-Nangila, kabidi mumanye ne: meme Maweja-Nangila ndi ne luse, ndi nkosa nsambu pa yoyi, ndi nkumbaja malaya anyi pa buloba bujima. Bantu ba mushindu ewu, ke badi bansankisha.” Ke mudi Maweja-Nangila wamba nanku.

Nahume 1:8

nansha mu dikenga dikole dipite. Kadi udi ubutula baluishi bende, ubatuma mu kandondu ka bafue.

Sefanya 1:15

Dituku adi nedikale dia tshiji, dia dikenga ne kanyinganyinga, dia kubutula ne kushidisha. Dituku adi nedikale dia midima mikole, dia mavuba ne mabungi.

Dibadika 6:24

“Maweja-Nangila anuele lupemba, anulame.

Matayi 8:12

Kadi bantu bavua mua kuikala mu Bukalenga, nebabimanshe pambelu mu midima, muaba udibu badila, basumakaja menu.

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.

1 Petro 1:5

Nanku mmusue kunulama ne tshianza tshiende tshikole mu njila wa ditaba, bua nupete lupandu ludi ne bua kumueneka ku ndekelu wa bidimu.

2 Petro 2:17

Bantu aba badi bu mpokolu mimane kuuma, nansha bu mavuba adi lupepele lusakila, kaayi alokesha mvula. Mvidi Mukulu mmubalamine muaba mu miidima mikole ya mu kandondu.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Yuda 1:13

Badi baleja malu abu mabi, bu mudi mavuala a mayi manene atutuka ntutu. Badi bu mitotu ya milanjilanji idi ituka mulu: Mvidi Mukulu mmubalongoluele muaba mu miidima mikole, bua bashalemu kashidi.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.

1 Samuele 25:26

Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.