1 Samuele 2:8 - MUKANDA WA MYIDI MUKULU

⁸ Udi ujula mupela uvua mudishinde panshi. Umushe ku diala muena dikenga udibu bimansha, bua kumusombesha miaba ya lumu, pamue ne bantu banene. Buloba bujima budi bua Maweja-Nangila. Yeye ke udi mubuimanyike pa makunji abu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Udi ujula bahele ha buloba: udi ujula badi ne bintu bualu ku diala: udi ubashikika hohamue ne baminyampala, bua kuhianabo nkuasa wa butumbi: bualu bua makunshi a buloba adi a Yehowa, ne yeye wakajadika buloba ha mutu hau.

1 Samuele 2:8 ပူးပေါင်းရင်းမြစ်များ

Genese 41:14

Mukalenga kubikidisha Yozefe. Kumupatulabu lukasa mu nzubu wa lukanu. Yozefe kubeya miedi, kushintulula bilamba, kuya kudileja kudi mukalenga.

Genese 41:40

Wewe ne wikale mulombodi munene wa mu bukalenga buanyi. Bantu banyi bonsu nebitabe mikenji yebe. Meme nenkupite amu ku bumfumu buanyi.

2 Samuele 7:8

“Wambile Davide kabidi ne: ‘Maweja-Nangila wa bena Izrayele udi wamba ne: Pauvua mulami wa mikoku, meme kukumusha ku mudimu awu, bua wewe kuikala mukalenga wa bantu banyi bena Izrayele.

1 Bakalenga 16:2

— Wewe Basha uvua muntu tshianana. Meme kukusungula munkatshi mua bantu banyi bena Izrayele bua wewe kushala mukalenga wabu. Kadi, udi muenze malu mabi bu muvuabu benza kudi Yerobowame. Udi mufikishe bena Izrayele ku dienza bibi. Nanku, bena Izrayele mbamfikishe munda bua bubi buabu.

2 Bakalenga 9:6

Yehu kujuka, kuya nende ku nzubu. Muambi nsongalume kumuela mafuta pa mutu, umuambila ne: — Maweja-Nangila Mvidi Mukulu wa bena Izrayele udi wamba ne: “Ndi nkujidila bua wikale mukalenga wa bantu banyi bena Izrayele.

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Yobe 2:8

Yobe kuya kusomba mu butu, kuangula tshiyoyi tshia luesu bua kudikuanya natshi.

Misambu 102:25

Ke pandi ngela lubila ne: “Mvidi Mukulu wanyi, wewe ngudi ne muoyi bidimu ne bidimu, kungangatshi pankatshinkatshi pa matuku anyi a panu.”

Misambu 104:5

Udi mushindike buloba pa bitaku biabu, kabuena mua kutenkakana too ne kashidi.

Misambu 107:41

Udi usungidila bapela ku dikenga, uvudija meku abu bungi bu mikoku.

Misambu 24:2

Yeye ngudi mushindike buloba pa mayi manene, bua mavuala kaabunyungishi.

Misambu 75:3

Mvidi Mukulu udi wamba ne: “Meme nkayanyi ndi njadika tshikondu tshindi ndumbuluisha bantu, nenkose nsambu yabu amu pa yoyi.

Misambu 75:4

Nansha buloba buzakala, nansha badi basepu batshina, kadi meme ndi mbushindika pa makunji abu kashidi.”

Misambu 75:7

Numanye ne: lupandu luenu kaluena lufuma kudi diba dipatukila, nansha kudidi dibuelela. Kaluena lufuma ku mikuna nansha ku tshipela.

Muambi 4:14

Bualu nsongalume udi mua kupatuka mu lukanu kushala mukalenga, nansha yeye muikale muntu uvua ulomba tshia pa luse mu ditunga amu, pavua mukuabu mumane kubuela mu bukalenga.

Yeshaya 22:23

Nemmushindike muaba mukole, bu mudibu basa mulonda. Bana babu bonsu nebapete lumu kudiye.”

Danyele 2:48

Pashishe mukalenga kupesha Daniyele mianzu minene, ne bintu bia disanka bia bungi, bia mushinga mukole. Kumutekaye mulombodi wa buloba bua Babilone, kabidi mfumu munene wa bena meji bonsu ba mu Babilone.

Danyele 4:17

Uvua mumone mutshi munene, mukole, matamba a kulu matue mu diulu. Bantu bonsu ba pa buloba bawa baumona!

Danyele 6:3

Ku mutu kua balombodi aba lukama ne makumi abidi ba bitupa bia buloba, Daryaveshe kuteka bamfumu basatu, bua kubatangila, bua muntu nansha umue kanyangi bumfumu bua mukalenga wa bakalenga. Daniyele uvua umue wa ku bamfumu aba.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.

Didimanyisha 5:10

Wewe kubateka bakalenga ne batuangaji, bua benzele Mvidi Mukulu wetu mudimu. Nebadie bumfumu pa buloba bujima.”

1 Samuele 15:17

Samuwele kumuambila ne: — Ku kale uvua mudimone muntu tshianana. Mpindiewu udi mukalenga wa bisamba bionsu bia bena Izrayele. Maweja-Nangila nkayende ke uvua mukujidile bua wikale mukalenga wa bena Izrayele.