1 Samuele 2:7 - MUKANDA WA MYIDI MUKULU

⁷ Maweja-Nangila udi uvuija muntu mupela nansha mubanji. Udi umupuekesha milongu, nansha umubandisha.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa udi ubavuisha buhele, ne udi ubavuisha bubanji kabidi: udi ubahuekesha, udi ubabandisha kabidi.

1 Samuele 2:7 ပူးပေါင်းရင်းမြစ်များ

2 Bakalenga 9:6

Yehu kujuka, kuya nende ku nzubu. Muambi nsongalume kumuela mafuta pa mutu, umuambila ne: — Maweja-Nangila Mvidi Mukulu wa bena Izrayele udi wamba ne: “Ndi nkujidila bua wikale mukalenga wa bantu banyi bena Izrayele.

1 Kulondolola 29:12

Bubanji ne butumbi bidi bifuma kuudi. Wewe ke udi ne bumfumu buabi bionsu. Udi ne bukole ne bumfumu, udi ne bumfumu bua kujuula ne kukolesha muntu yonsu uudi musue.

2 Kulondolola 32:27

Izkiya uvua ne bintu bia bungi bia bubanji. Uvua kabidi ne lumu lunene. Uvua muenze miaba ya kuteka tshiamu tshitoke tshia mushinga mukole, tshia mpawungi, mabue a mushinga mukole, mafuta masambakaja ne manananshi, ngabu, ne bintu bikuabu bia mushinga mukole.

2 Kulondolola 32:29

Kuasaye kabidi bimenga. Kupetaye bimuna bipite bungi: ke mikoku, mbuji ne ngombe, bualu Maweja-Nangila uvua mumupeshe bubanji bua bungi.

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Yobe 40:12

Ujoje bena ditambisha bonsu, ubazaze muaba udibu, uboze bena malu mabi.

Yobe 5:11

Bantu bavuabu bapuekeshe panshi, yeye udi ubabandisha kulu. Badi mu dibungama, yeye udi ubapingajila disanka.

Misambu 102:10

Ndi ndia butu pa mutu pa kudia biakudia, bintu bionsu bindi nnua bidi bibondakana ne binsonji.

Misambu 75:7

Numanye ne: lupandu luenu kaluena lufuma kudi diba dipatukila, nansha kudidi dibuelela. Kaluena lufuma ku mikuna nansha ku tshipela.

Misambu 75:8

Amu Mvidi Mukulu ke udi ulumbuluisha bantu, upuekesha umue, ubandisha mukuabu.”

Nsumuinu 22:2

Muneme ne mupele, mbantu bamue. Maweja-Nangila ke udi mubafuke bonsu babidi.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Yirmeya 49:15

Wewe Edome, nenkuenze tshisamba tshishadile ku bisamba bikuabu bionsu. Tshisamba tshidi bantu bonsu bapetula,

Yezekiyele 17:24

Diba adi, mitshi yonsu ya mu mpata neyimanye ne: ndi Maweja-Nangila. Ndi ngipidija mitshi idi mitumbuke, ndi ndepesha idi mipi. Ndi ngumisha mitshi mibishi. Ndi ngelesha mitshi miume ntonga. Meme Maweja-Nangila ndi njadika nanku awu. Nenkumbaje anu mundi muambe amu.”

Yakobe 4:10

Nudipuekeshe kumpala kua Mfumu. Yeye neanubandishe.