1 Samuele 2:6 - MUKANDA WA MYIDI MUKULU

⁶ Maweja-Nangila udi ushipa, ufululula kabidi. Udi ufikisha muntu muaba wa bafue, anyi umumushamu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa udi ushiha ne udi ufululula kabidi: udi ubatuma ku Muaba wa Bafue, udi ubabisha kabidi.

1 Samuele 2:6 ပူးပေါင်းရင်းမြစ်များ

1 Bakalenga 17:22

Maweja-Nangila kuitaba dilomba dia muambi Eliya. Kubishaye muana awu ku lufu. Muana kutuadija kupuyakana.

2 Bakalenga 5:7

Anu mukalenga wa bena Izrayele ubala mukanda awu, kudipandaye bilamba, wela mbila ne: — Meme ndi Mvidi Mukulu udi ne bukole bua kufululula bantu, nansha kubashipa anyi? Mukalenga wa bena Siriya, udi untumina muntu bua meme kumondapa disama dia nsudi! Monayi mudi mukalenga ewu umbunda!

Yobe 5:18

Mvidi Mukulu udi mua kusamisha muntu, kadi udi kabidi mua kujikija disama diende. Padiye utapa mputa, amu Yeye nkayende ke udi umondapa.

Misambu 116:3

Lufu kunjingila nkanu yalu, bowa bua kandondu ka bafue kunkuata, luzakalu kungenza, muoyi kunshikila.

Misambu 30:4

Wewe kumpatula mu kandondu ka bafue. Nkavua dikasa ku tshiina, wewe Maweja-Nangila kumfululula.

Misambu 68:20

Tuelayi Maweja-Nangila tuasakidila ku dituku ku dituku, bualu Mvidi Mukulu udi wambula bujitu buetu, utusungidila.

Misambu 71:20

Udi mummueneshe mabika ne mala. Kadi neumfululule, ungepule ku lukita.

Muambi 3:3

Tshikondu tshia kushipa ne tshikondu tshia kuondapa mputa, tshikondu tshia kubutula ne tshikondu tshia kuibaka.

Yeshaya 26:19

Tshisamba tshianyi, bafue bebe nebabike ku lufu, — nenku bitalu bia bantu banyi nebipete muoyi. — Badi balale mu buloba, nebajuuke, beela tunkunduluila. Bualu Maweja-Nangila, neakutumine lumuma ludi lupetesha muoyi. Nanku buloba nebupatule ne muoyi bafue bavua amu bu mundidimbi.

Yezekiyele 37:12

Nanku ubambile ne: meme Maweja-Nangila ndi mbalaya ne: “Nembulule nkita yenu. Nennujule nuenu bantu banyi. Nennupingaje mu Izrayele mu ditunga dienu.

Yezekiyele 37:3

Ke Maweja-Nangila kunkonka ne: — Yezekiyele, ngambila tumone, mifuba eyi idi mua kupeta kabidi muoyi anyi? Meme kuandamuna ne: — Maweja-Nangila Mvidi Mukulu, wewe nkayebe ke udi mua kumanya.

Matayi 12:40

Bualu, bu muvua Yona mushale munda mua mushipa munene munya ne butuku matuku asatu, ke muashala Muana wa muntu munda mua buloba munya ne butuku matuku asatu.

Yowanane 11:25

Yezu kumuambila ne: — Meme ke udi ubisha bantu ku lufu, ubapesha muoyi. Muntu yonsu udi ungitaba, neikale ne muoyi, nansha yeye ufua.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

Didimanyisha 1:18

Ndi ne muoyi. Mvua mufue. Kadi mpindiewu ndi ne muoyi kashidi. Ndi Mfumu wa lufu ne wa kandondu ka bafue.

1 Samuele 20:3

Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.