1 Samuele 2:35 - MUKANDA WA MYIDI MUKULU

³⁵ Pashishe meme nendisunguile mutuangaji udi mua kuenza ne muoyi umue tshindi musue. Nemmupeshe ndelanganyi idi mua kuenza mudimu wa butuangaji kashidi kumpala kua mukalenga ungikala musungule.

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Nenditekele muakuidi wa kanemu; yeye neangenzele malu anakasungula mu mutshima wanyi ne mu lungenyi luanyi. Meme nenjadike nsubu wandi: yeye nende ku mesu kua wanyi unakuela manyi ha mutu tshiendelele.

1 Samuele 2:35 ပူးပေါင်းရင်းမြစ်များ

2 Samuele 7:11

tshikondu tshimvua muteke balombodi bua baludike bantu banyi bena Izrayele. Wewe Davide, nenkusungile ku baluishi bebe bonsu. Nanku ndi nkumanyisha ne: meme Maweja-Nangila nenkushile nzubu.

2 Samuele 7:27

Bualu wewe Maweja-Nangila, muena bukole buonsu, ne Mvidi Mukulu wa bena Izrayele, ke udi mummanyishe meji ebe, a kumpesha ndelanganyi idi mua kumpingana mu bukalenga. Ke pandi mupete dikima dia kukulomba mushindu ewu.

1 Bakalenga 1:45

Pashishe, mutuangaji Sadoke, ne muambi Natane, kujidila Shelomu mu bukalenga pabuipi ne mpokolu wa Ngikone. Bantu bonsu mbumuke muaba awu, benda babanda mu tshimenga ne disanka. Bena mu tshimenga bonsu badi batua tshianga. Ke bibingu bionsu binudi bumvue abi.

1 Bakalenga 1:8

Kadi mutuangaji Sadoke, ne Benaya, muana wa Yoyada, nansha muambi Natane, ne Shimeyi, Reyi, kabidi ne bena mvita bavua balame mukalenga Davide, kabavua baditua ku tshia Adoniya to.

1 Bakalenga 11:38

Wewe muteleje bionsu bingikala nkuambila, wewe mulonde njila ungikala nkuleja, wewe mungenzele bimpe, wewe mutumikile meyi anyi ne mikenji yanyi bingakupesha, bu muvua muntu wanyi Davide utumikila, nengikale nebe kashidi. Ndi nkulaya ne: ndelanganyi yebe neishale mu bukalenga kashidi anu bu mudi ndelanganyi ya Davide ishala mu bukalenga. Meme nenkupe bisamba bia bena Izrayele dikumi,

1 Bakalenga 2:35

Mukalenga Shelomu kupingaja Benaya muaba wa Yowabe, bua ikale mfumu mulombodi wa bena mvita. Kupingajaye kabidi Sadoke, muaba wa Abiyatare bua ikale mutuangaji muaba wa tshijila.

1 Kulondolola 29:22

Dituku adi, bena Izrayele kudia, kunua kumpala kua Maweja-Nangila, bikale ne disanka dinene. Ewu ke musangu muibidi, udibu baleja bantu mudi Shelomu muana wa Davide, mukalenga wabu. Kumulababu manyi a bukalenga, bua akuatshile Maweja-Nangila mudimu. Amu diba adi kujidilabu Sadoke bua ikale mutuangaji munene.

Misambu 18:50

Ke pandi nkutumbisha mu bukua bisamba, nkuimbila misambu, nkusamuna.

Misambu 2:2

Bakalenga ba pa buloba badi badilongolola ku mvita. Bamfumu badi bumvuangana bua kubenga Maweja-Nangila, kubenga ne mukalenga uvuaye musungule.

Ekesode 1:21

kubapesha bana ba bungi, bualu bavua bamutshina.

Yezekiyele 34:23

Nenteke muntu anu umue bua kuikalaye mulami wa mikoku yanyi. Yeye neayilame bimpe bu muvua Davide wanyi wenza.

Dibadika 25:13

Ndondu awu udi bualu buende ne bua ndelanganyi yende, udi ubenza batuangaji bua kashidi. Pinhase wandeji mudiye mundamate, meme Mvidi Mukulu wende, muende muonsu. Ke pandi mufuile bena Izrayele bonsu luse mu dina diende.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

1 Samuele 10:10

Nanku Shawule ne muena mudimu wende, bafike ku Ngibeya, kusambakenabu ne tshisumbu tshia bambi. Mueyelu wa Mvidi Mukulu kutulukila Shawule, kudisangishaye ne bambi abu. Kutuadijaye kuja maja, wela mbila.

1 Samuele 10:9

Anu Shawule umuka muaba uvua Samuwele, Mvidi Mukulu kushintulula Shawule bikole, katshiyi bu muvuaye amu to. Bionsu bivua Samuwele muambila Shawule, kukumbanabi anu dituku adi.

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

1 Samuele 2:36

Nanku, muntu wa mu nzubu muebe wikale mushale ne muoyi, neaye kutua binu kumpala kua mutuangaji bua kupeta lukanu lutoke lumue lua mushinga mukole, nansha kapesa ka diampa. Neambile mutuangaji awu ne: ‘Bu wewe musue, mpeshaku mudimu muaba udi batuangaji ewu, bua mpeteku biakudia’.”

1 Samuele 25:28

Bu wewe musue, umfuileku luse. Bualu meme Abiyayile ndi nkujadikila ne: Maweja-Nangila neafile bukalenga mu nzubu muebe kashidi. Bualu wewe udi uluangana mvita mu dina dia Maweja-Nangila. Kabidi kabena mua kukubanda ne bualu bubi nansha bumue, matuku onsu audi ne muoyi.

1 Samuele 3:1

Kadi, Samuwele muana uvua wenzele Mvidi Mukulu mudimu, bamulombola kudi mutuangaji Eli. Tshikondu atshi, bua Maweja-Nangila kuyukila ne muntu, nansha kumumuenekela, bivua bualu bukole.

1 Samuele 7:9

Samuwele kuangata muana wa mukoku, kuulambula Maweja-Nangila, kuoshaye mujima. Pashishe kulombaye Maweja-Nangila bua afuile bena Izrayele luse. Maweja-Nangila kuitaba dilomba adi.

1 Samuele 8:3

Kadi bana abu, kabawa balonda tshilejilu tshia tatuabu Samuwele to. Bavua ne lukuka lua biuma, bangata mabuejila, bakose bilumbu bia bantu bibi.

1 Samuele 9:12

Bansongakaji kubandamuna ne: — Eyowa, ukadi mumane kufika. Mmufike mu tshimenga tshietu anu lelu, bualu ke dituku didi bantu balambula mulambu muaba wa tshijila. Koleshayi.

1 Samuele 9:13

Nanku nenumupete anu panudi nubuela mu tshimenga, kayi muanji kubanda muaba wa tshijila bua kudia biakudia bia mulambu. Muntu nansha umue kena mua kudianza kudi a, mumonyi wa malu kayi muanji kufika. Yeye ke udi ne bua kuela milambu lupemba. Pashishe bantu bavuabu babikila nebadie. Buelayi mu tshimenga lukasa, nenumusangane anu mpindiewu.