1 Samuele 2:28 - MUKANDA WA MYIDI MUKULU

²⁸ Munkatshi mua bisamba bionsu bia bena Izrayele, meme kusungula Arone nkambua webe, bua ikale mutuangaji wanyi, wenza mudimu wa kulambula milambu pa tshilambuilu tshianyi, kuosha mulambu wa manananshi ne kungebeja malu. Yeye ne ndelanganyi yende mvua mubapesha tshitupa tshia milambu idi bena Izrayele balambula.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Tshiakamusungula munkatshi mua bisamba bionso bia Bena Isalele bua kuikaleye muakuidi wanyi ne bua kufueye milambu ku tshioshelu tshianyi ne bua kuosheye musenga wa manananshi ne bua kulaleye efoda ku mpala kuanyi, anyi? Meme tshiakaha ba mu nsubu wa tatu webe milambu yonso yakosha Bena Isalele ha kahia, anyi?

1 Samuele 2:28 ပူးပေါင်းရင်းမြစ်များ

2 Samuele 12:7

Muambi Natane kuandamuna ne: — Muntu udi muenze bualu abu, ngwewe mene Davide! Maweja-Nangila Mvidi Mukulu wa bena Izrayele udi wamba ne: “Mvua mukujidile bua wewe kuikala mukalenga wa bena Izrayele. Mvua mukusungidile kudi Shawule uvua ukuluisha.

2 Samuele 6:14

Pashishe Davide kutuadija kuja maja ne bukole buende buonsu bua kutumbisha Maweja-Nangila. Uvua muvuale anu tshilamba tshia ndanda tshia batuangaji.

Ekesode 28:1

“Wambile mukuluebe Arone ne bana bende ba balume: Nadabe, Abihu, Elazare ne Itamare, ubumushe munkatshi mua bena Izrayele, bua bangenzele mudimu wa butuangaji.

Ekesode 28:4

Bilamba abi bikale bia mushindu ewu: tshilamba tshia pa tshiadi, tshia efode, tshia muntumpu, tshia muinshi tshilengeja ne buanda bua mishindu mishilangane, tshifulu ne mukaba. Muanenu Arone ne bana bende ba balume nebavuale bilamba abi padibu benza mudimu wa butuangaji.

Ekesode 30:7

Pashishe, Arone ikale ungoshilamu manananshi dinda dionsu padiye usukula miendu idi ku tshilambuilu.

Ekesode 30:8

Kadi dilolu, ikale ungoshila manananshi padiye uye kutemesha muendu. Kabakulekela dingoshila manananshi kashidi.

Lewitiki 2:10

Bukula bua ku mulambu budi bushale, babuangate anu kudi Arone ne bana bende ba balume. Bualu ntshitupa tshia tshijila menemene, bualu ntshia ku mulambu uvuabu balambula Maweja-Nangila.

Lewitiki 2:3

Bukula bua mulambu budi bushale babuangate anu kudi Arone ne bana bende ba balume, bualu ntshitupa tshia tshijila menemene, tshia ku mulambu uvuabu balambula Maweja-Nangila.

Lewitiki 6:16

Ku mulambu onsu wa bia mu madimi udi mutuangaji ulambula Maweja-Nangila, kena mua kudia kantu nansha kamue to.”

Lewitiki 7:32

Nudi ne bua kumusha kabidi tshibelu tshia luseke lua balume lua nyama wa mulambu, kutshipesha mutuangaji.

Lewitiki 7:36

Nanku Maweja-Nangila udi unutumina diyi nuenu bena Izrayele, bua nupeshe Arone ne bana bende bintu ebi dituku didibu babajidila. Nulame mukenji ewu kashidi.

Dibadika 16:5

Kuambilaye Kora ne bonsu bavuaye nabu ne: — Malaba dinda, Maweja-Nangila nkayende neatumanyishe muntu udi wa tshijila, udi mua kusemena pabuipi nende. Nanku, neanyishe bua muntu udiye musungule asemene pabuipi nende.

Dibadika 18:19

“Nanku milambu yonsu ya tshijila idi bena Izrayele bandambula, ndi nkupeshayi kashidi. Nebikale bintu biebe wewe, ne bia bana bebe ba balume ne ba bakaji, bilondeshile ndondu utuvua batue nebe, kabidi ne ndelanganyi yebe yonsu.”

1 Samuele 14:3

Mutuangaji uvua muimane muaba awu, ne bintu bia tshijila bivua bibambuluisha mua kuebeja Mvidi Mukulu malu. Mutuangaji awu, dina diende Akiya, muana wa Akitube. Akitube uvua muanabu ne Ikabode (Ikabode uvua muana wa Pinhase, kabidi muikulu wa Eli. Eli ke uvua mutuangaji wa Maweja-Nangila ku Silo.) Ku bena mvita bonsu, muntu nansha umue kavua mumanye ne: Yonatane mmuye kuluisha bena Peleshete to.

1 Samuele 2:18

Kadi Samuwele muana, uvua ukumbaja mudimu wende bimpe kumpala kua Maweja-Nangila, uvuala tshilamba tshia buanda bua ndanda.