1 Samuele 2:24 - MUKANDA WA MYIDI MUKULU

²⁴ Bana banyi, lekelayi kuenza nanku! Tshijanu tshienu tshindi mumvue mukana mua bantu ba Maweja-Nangila tshidi tshibi tshitambe.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Nansha, bana banyi balume, tshiakunvua lumu luenu luimpe: nudi nuenzesha bantu ba Yehowa malu mabi kabidi.

1 Samuele 2:24 ပူးပေါင်းရင်းမြစ်များ

1 Bakalenga 15:26

Uvua muenze bidi Maweja-Nangila ubenga. Uvua muenze malu anu bu tatuende, uvua ufikisha bena Izrayele ku dienza bibi. Nadabe uvua muenze malu mabi onsu avua tatuende muenze.

1 Bakalenga 15:30

Bionsu abi bivua bienzeka bualu Yerobowame uvua muenze bibi, mufikishe kabidi bena Izrayele ku dienza bibi. Bualu ebu buvua bufikisha Maweja-Nangila Mvidi Mukulu wa bena Izrayele, munda bikole.

2 Bakalenga 10:31

Kadi, Yehu kavua mukumbaje mikenji ya Maweja-Nangila Mvidi Mukulu wa bena Izrayele, ne muoyi mujima to. Uvua anu wenza buenzayi buvua Yerobowame muenze, mufikishe bena Izrayele ku dienza bibi.

Ekesode 32:21

Pashishe, Moshe kukonka Arone ne: — Bena Izrayele mbakuenzela bualu bubi kaayi, paudi mubenzele tshilema bunene nenku?

Malaki 2:8

Kadi nuenu batuangaji, nudi banyange mudimu wenu. Nudi balenduishe bantu ba bungi ku dilongesha dienu. Nudi bupule ndondu umvua mutue nenu. Meme Mvidi Mukulu wa bukole buonsu ndi njadika nanku.

Matayi 18:7

Diakabi didi panu, bualu bantu badi bafikisha bakuabu ku bubi. Malu a nanku neenzeke amu kuenzeka. Kadi diakabi ndia muntu udi wenzeja bantu bualu bubi nanku!

Bienzedi 6:3

Nenku bana betu, sungulayi munkatshi muenu bantu ba lumu luimpe muanda mutekete, badi buwule ne Mueyelu wa Tshijila, kabidi ne meji. Netubateke ku mudimu ewu.

2 Korente 6:8

Badi batuela kalumbandi, batujana. Badi batupenda, batupa lumu. Badi batutangila bu bena dishima, bitaba bitudi tuamba ne: mbilelela.

1 Timote 3:7

Ikale kabidi ne lumu luimpe kudi bantu badi kabayi bena Kristu, bua kabamupepeji. Tshianana udi mua kupona mu mateyi a diabolu.

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

3 Yone 1:12

Bonsu badi banyisha Demetriyose. Bulelela mene budi bumubingisha Tuetu kabidi tudi tujadika buimpe bua malu ende. Wewe kabidi udi mumanye ne: bitudi tujadika mbilelela

Didimanyisha 2:20

Kadi bualu bundi nkudiwila mpaudi ulengulula malu a Izebele. Mukaji ewu udi udiamba mudiye muambi wa Mvidi Mukulu. Udi upambula bantu banyi, ubalongesha bua benze malu a bundu, badie minyinyi ya nyama milambula nwidie.

1 Samuele 2:17

Nanku bana ba balume ba mutuangaji Eli bavua bapepeja Maweja-Nangila bikole, bualu kabavua banemeka milambu ivuabu bamulambula.

1 Samuele 2:22

Mutuangaji Eli uvua mumane kukola mukulakaje. Bavua bamuambila muvua bana bende benzela bena Izrayele bibi, kabidi muvuabu babuelela bakaji mu nzubu. Bakaji abu ke bavua benza mudimu mu mushiku wa ntenta wa kusambakena.

1 Samuele 2:23

Mutuangaji Eli kukonka bana bende ne: — Bualu bundi mumvue ebu budi munyi? Bantu bonsu badi banujana bua buenzayi buenu. Nudi nuenza nanku bua tshinyi?