1 Samuele 2:22 - MUKANDA WA MYIDI MUKULU

²² Mutuangaji Eli uvua mumane kukola mukulakaje. Bavua bamuambila muvua bana bende benzela bena Izrayele bibi, kabidi muvuabu babuelela bakaji mu nzubu. Bakaji abu ke bavua benza mudimu mu mushiku wa ntenta wa kusambakena.

Mukanda wa Nzambi Dihungila Dikulukulu ne Dihungila Dihia-dihia 2003

²² Eli wakalua muntu mununu; wakunyua lumu lua malu mabi a bana bandi ba balume akenzelabo Bena Isalele bonso, ne bu muakalalabo ne bakashi bakadi benza mudimu ku mbelu kua ntenta wa kusambakena.

1 Samuele 2:22 ပူးပေါင်းရင်းမြစ်များ

Genese 35:22

Pavua Yakobe musombe muaba awu, Rubene kubuelela Bila, mukaji mupika wa tatuende, mu nzubu. Yakobe kumanya bualu abu, kunyingalala bikole. Bana ba balume bonsu ba Yakobe bavua dikumi ne babidi.

Genese 37:2

Malu a bana ba Yakobe adi nunku: Yozefe ukumbaja bidimu dikumi ne muanda mutekete, kuyaye kudisha bimuna bia tatuende, pamue ne bakulu bende, kabidi ne bana ba Bila ne ba Zilpa, bakaji bapika ba tatuende. Kadi Yozefe uvua wambila tatuende malu mabi onsu a bana babu.

Ekesode 38:8

Bavua benza dilongu dinene. Dilongu adi ne tshitaku tshiadi, bivua anu bia tshiamu tshikunze, tshivua tshifuma ku mienu ya tshiamu tshikunze ya kudi bakaji bavua benza mudimu ku tshibuelelu tshia ntenta wa kusambakena.

Yezekiyele 22:26

Batuangaji benu kabena balonda mikenji yanyi, kabena banemeka miaba idibu bajidila mu dina dianyi. Kabena basunguluja bintu bidi bia tshijila, ne bintu bikuabu bidi bia tshianana. Kabena balongesha bantu mudi bintu bikuabu kabiyi ne mikiya, bikuabu ne mikiya. Kabena banemeka kabidi dituku dia Dikisha; badi badilengulula ku bukole. Nanku, kamuena muntu nansha umue udi unnemeka, mudibu ne bua kunnemeka.

1 Samuele 2:23

Mutuangaji Eli kukonka bana bende ne: — Bualu bundi mumvue ebu budi munyi? Bantu bonsu badi banujana bua buenzayi buenu. Nudi nuenza nanku bua tshinyi?

1 Samuele 3:13

Meme Maweja-Nangila mvua mumane kuambila Eli ne: Nennyoke bena nzubu webe kashidi. Bualu bana bebe ba balume bavua benza bibi, kabayi bannemeka. Kadi, Eli uvua mumanye buenzayi bua bana bende, kayi ubabela to.

1 Samuele 8:1

Samuwele mumane kukulakaja, kutekaye bana bende ba balume mu bumfumu, bua kulombolabu bena Izrayele.