1 Samuele 2:11 - MUKANDA WA MYIDI MUKULU

¹¹ Ke Elkana kupingana kuende ku Rama. Kadi Samuwele muana kushala ku Silo bua kuenzela Maweja-Nangila mudimu. Bavua bamulombola kudi mutuangaji Eli.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Elekana wakahingana ku Lama ku nsubu wandi. Muana wakakuatshila Yehowa mudimu ku mesu kua Eli muakuidi.

1 Samuele 2:11 ပူးပေါင်းရင်းမြစ်များ

1 Samuele 1:1

Mu tshimenga tshia Rama, mu buloba bua mikuna bua Efrayime, muvua muntu mukuabu wa bena Efrayime, wa mu diku dia Sufa. Dina diende ngElkana. Uvua muana wa Yerowame, Yerowame mmuana wa Eliku, Eliku mmuana wa Toku, Toku mmuana wa Sufa.

1 Samuele 1:19

Butshia dinda, Elkana ne bena nzubu wende bonsu kuya kutendelela Maweja-Nangila. Pashishe kupinganabu kuabu mu Rama. Elkana kubuelela mukajende Ane mu nzubu. Maweja-Nangila kuitaba dilomba dia Ane.

1 Samuele 1:28

Nanku meme panyi ndi musue kumufila kudi Maweja-Nangila kashidi. Neashale anu muena mudimu wende. Ke bena diku diende bonsu kukukuila Maweja-Nangila.

1 Samuele 2:18

Kadi Samuwele muana, uvua ukumbaja mudimu wende bimpe kumpala kua Maweja-Nangila, uvuala tshilamba tshia buanda bua ndanda.

1 Samuele 3:1

Kadi, Samuwele muana uvua wenzele Mvidi Mukulu mudimu, bamulombola kudi mutuangaji Eli. Tshikondu atshi, bua Maweja-Nangila kuyukila ne muntu, nansha kumumuenekela, bivua bualu bukole.

1 Samuele 3:15

Samuwele kushala mulala too ne mu dinda. Pashishe kuyaye kunzulula biibi bia nzubu wa Mvidi Mukulu. Kadi uvua utshina bua kulondela Eli bionsu bivuaye mumvue kudi Mvidi Mukulu.

1 Samuele 7:17

Pashishe, Samuwele uvua upingana kuende ku Rama, muaba uvuaye ulumbuluisha bena Izrayele. Muaba awu, uvua muashila Maweja-Nangila tshilambuilu.