1 Samuele 19:24 - MUKANDA WA MYIDI MUKULU

²⁴ Shawule kuvula bilamba bu muvua bambi bakuabu benza. Kujaye maja, wela mbila, muaba uvua Samuwele. Pashishe kufuaye tshipuka, muikale butaka. Kushalaye nanku munya mujima too ne butuku. Ke padi bantu bashala belangana lusumuinu ne: “Kadi Shawule kabidi ukadi muambi anyi?”

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yeye wakavula bilulu biandi bionso, wakamba dî dia Nzambi ku mesu kua Samuele, wakalala hanshi butaka munya mujima ne butuku bujima. Nunku bakakonkangana ne, Shaula kabidi udi munkatshi mua baprofete, anyi?

1 Samuele 19:24 ပူးပေါင်းရင်းမြစ်များ

2 Samuele 6:14

Pashishe Davide kutuadija kuja maja ne bukole buende buonsu bua kutumbisha Maweja-Nangila. Uvua muvuale anu tshilamba tshia ndanda tshia batuangaji.

2 Samuele 6:20

Davide kupingana ku nzubu kuende bua kuela bena diende muoyi. Kadi Mikale, muana wa Shawule, kupatuka bua kusambakena nende. Kumuambilaye ne: — Lelu, mukalenga wa bena Izrayele kavua kabidi ne lumu to. Uvua uja maja bu muntu mutshimbakane, bakaji bapika ba bena mudimu bende bamutangile!

Yeshaya 20:2

Bidimu bisatu kumpala kua dikuata dia tshimenga atshi, Maweja-Nangila kuambila Yeshaya, muana wa Amose, ne: “Vula bilamba bia madilu biudi nabi pambidi, ne bisabata biudi nabi ku makasa ebe.” Yeshaya kuenza nanku. Ukavua wendakana, kayi tshilamba nansha bisabata. Nanku, mu tshikondu tshivuabu bakuate tshimenga tshia Asdode, Maweja-Nangila kuambila muambi Yeshaya bivuaye ne bua kumanyisha bantu ne:

Mika 1:8

Pandi ngela meji ku bionsu abi, meme Mika, ndi ngasa muadi, ndi ndila, ntua mikemu. Ndi ngenda butaka, ku makasa kutupu. Ndi ngela mikunda, bu nyama ya mibuabua, ntua mikemu ngabakana bu nyunyi ya mikolu mile.

Dibadika 24:4

Meme ndi ngumvua tshidi Mvidi Mukulu wamba. Ndi mmona bidi Mvidi Mukulu wa bukole buonsu uleja. Yeye udi ummuenekela pandi mmukukuila.

Bienzedi 9:21

Bonsu bavua bamuteleja bavua bakema, bamba ne: — Uvua ukengesha bikole bantu bavua bitaba dina dia Yezu mu Yerushalayime, ki mmuntu ewu anyi? Ki mmufike apa bua kukuata bantu, kubafila kudi bamfumu ba batuangaji anyi?

1 Samuele 10:6

Pashishe Mueyelu wa Maweja-Nangila neukutulukile. Nentuadije kuja maja, kuela mbila bu bambi abu. Newikale mushintuluke.

1 Samuele 15:35

Biangatshile diba adi, matuku onsu avua Samuwele ne muoyi, kena mumonangane kabidi ne Shawule to. Samuwele uvua ne kanyinganyinga kakole bualu bua Shawule. Maweja-Nangila uvua unyingalala bua pavuaye musungule Shawule mukalenga wa bena Izrayele.

1 Samuele 18:10

Butshia dinda, mukishi mubi mutuma kudi Mvidi Mukulu kutulukila Shawule. Kuendakanaye mu nzubu muende bu muntu mupale. Davide uvua umuimbila lunkombe, bu muvuaye wenza misangu yonsu. Shawule uvua mukuate difuma diende mu tshianza.