1 Samuele 19:23 - MUKANDA WA MYIDI MUKULU

²³ Shawule kuya ku Nayote. Patshivuaye mu njila, Mueyelu wa Mvidi Mukulu kumutulukila. Kutuadijaye kuja maja, wela mbila too ne pafikilaye ku Nayote.

Mukanda wa Nzambi Dihungila Dikulukulu ne Dihungila Dihia-dihia 2003

²³ Yeye wakaya ku Nayota hehi ne Lama; ne Nyuma wa Nzambi wakamutulukila kabidi, yeye wakenda wamba dî dia Nzambi tô ne hakafikeye ku Nayota hehi ne Lama.

1 Samuele 19:23 ပူးပေါင်းရင်းမြစ်များ

Nsumuinu 16:9

Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Dibadika 23:5

Maweja-Nangila kumanyisha Balaame malu a kuambila Balake, kumupingaja kabidi kudiye.

Dibadika 24:2

Ukenzakana, kumonaye bena Izrayele basomba mu mitanda yabu, ku tshisamba ku tshisamba. Mueyelu wa Mvidi Mukulu kumutulukila.

Matayi 7:22

Pafika dituku dia tshilumbuluilu, ba bungi nebangambe ne: “Mfumu, Mfumu, tuvua bamanyishe bantu malu a Mvidi Mukulu mu dina diebe, tuvua bipate mikishi mibi mu dina diebe, kabidi tuvua benze bishima bia bungi mu dina diebe!”

Yowanane 11:51

(Kavua muambe nanku ku meji ende yeye nkayende. Kadi bu muvuaye mutuangaji munene tshidimu atshi, Mvidi Mukulu uvua mumuakuishe ne: Yezu uvua ne bua kutuila tshisamba tshia bena Yuda,

1 Korente 13:2

Nansha meme ne dipa dia kumanyisha bantu malu avua Mvidi Mukulu mungambile, nansha meme mumanye malu onsu, ne adi masokome menemene, nansha meme ne ditaba dia mua kutentemuna nadi mikuna, meme tshiyi ne dinanga, ndi tshianana.

1 Samuele 10:10

Nanku Shawule ne muena mudimu wende, bafike ku Ngibeya, kusambakenabu ne tshisumbu tshia bambi. Mueyelu wa Mvidi Mukulu kutulukila Shawule, kudisangishaye ne bambi abu. Kutuadijaye kuja maja, wela mbila.

1 Samuele 10:12

Muntu mukuabu wa ku bantu abu, kukonka kabidi ne: “Bambi bakuabu aba, mfumuabu nnganyi?” Ke kudi kufuma lusumuinu lua ne: “Kadi Shawule pende ukadi muambi anyi?”

1 Samuele 10:6

Pashishe Mueyelu wa Maweja-Nangila neukutulukile. Nentuadije kuja maja, kuela mbila bu bambi abu. Newikale mushintuluke.

1 Samuele 18:10

Butshia dinda, mukishi mubi mutuma kudi Mvidi Mukulu kutulukila Shawule. Kuendakanaye mu nzubu muende bu muntu mupale. Davide uvua umuimbila lunkombe, bu muvuaye wenza misangu yonsu. Shawule uvua mukuate difuma diende mu tshianza.

1 Samuele 19:18

Ke muvua Davide munyema. Kuyaye kudi Samuwele ku Rama. Kumuambilaye bionsu bivua Shawule mumuenzele abi. Pashishe kuyabu kusomba bonsu babidi ku Nayote.

1 Samuele 19:20

Shawule kutuma kabidi bantu bua kukuata Davide. Bantu abu bamone tshisumbu tshia bambi ne mfumuabu Samuwele, bikale baja maja, bela mbila, Mueyelu wa Mvidi Mukulu kubatulukila. Kutuadijabu kuja maja, kuela mbila.

1 Samuele 19:22

Pashishe Shawule nkayende kudiyila ku Rama. Mumane kufika ku tshiina tshia mayi tshinene tshia Seku, kukonkaye ne: — Samuwele ne Davide badi penyi? Kumuandamunabu ne: — Badi ku Nayote pabuipi ne Rama.