1 Samuele 19:20 - MUKANDA WA MYIDI MUKULU

²⁰ Shawule kutuma kabidi bantu bua kukuata Davide. Bantu abu bamone tshisumbu tshia bambi ne mfumuabu Samuwele, bikale baja maja, bela mbila, Mueyelu wa Mvidi Mukulu kubatulukila. Kutuadijabu kuja maja, kuela mbila.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Shaula wakatuma ba-messager bua kukuatabo Davidi; kadi hakatangilabo tshisumbu tshia baprofete bamba dî dia Nzambi ne Samuele muimane ku mutu kuabo, Nyuma wa Nzambi wakatulukila ba-messager ba Shaula, bobo bakamba dî dia Nzambi kabidi.

1 Samuele 19:20 ပူးပေါင်းရင်းမြစ်များ

Dibadika 24:2

Ukenzakana, kumonaye bena Izrayele basomba mu mitanda yabu, ku tshisamba ku tshisamba. Mueyelu wa Mvidi Mukulu kumutulukila.

Yowanane 7:32

Baparushe kumvua bantu bavule banungana bua Yezu. Ke bamfumu ba batuangaji ne Baparushe kutuma basolayi bua kumukuata.

1 Korente 14:3

Kadi muambi udi wambila bantu malu adi Mvidi Mukulu mumuambile, udi uyukila ne bantu, bua kubakolesha mu ditaba, kubatua nyama ku mikolu, ne kubasamba.

1 Samuele 10:10

Nanku Shawule ne muena mudimu wende, bafike ku Ngibeya, kusambakenabu ne tshisumbu tshia bambi. Mueyelu wa Mvidi Mukulu kutulukila Shawule, kudisangishaye ne bambi abu. Kutuadijaye kuja maja, wela mbila.

1 Samuele 19:11

Shawule kutuma bantu bua balame nzubu wa Davide, bua kumushipa dinda. Kadi, Mikale, mukaji wa Davide, kuambila Davide ne: — Wewe kuyi munyeme butuku ebu, malaba badi bakushipa.

1 Samuele 19:14

Bantu bavua Shawule mutume, bamane kufika bua kukuata Davide, Mikale kubambila ne: — Davide udi usama.

1 Samuele 19:19

Kuambilabu Shawule ne: Davide udi ku Nayote pabuipi ne Rama.

1 Samuele 19:21

Anu Shawule umvua lumu alu, kutuma bantu bakuabu bua kukuata Davide. Kadi bantu abu bafike, kutuadijabu amu kuja maja, bela mbila. Nanku, Shawule kutuma tshisumbu tshia bantu tshisatu. Bantu abu, kuenza amu mushindu umue.