1 Samuele 19:11 - MUKANDA WA MYIDI MUKULU

¹¹ Shawule kutuma bantu bua balame nzubu wa Davide, bua kumushipa dinda. Kadi, Mikale, mukaji wa Davide, kuambila Davide ne: — Wewe kuyi munyeme butuku ebu, malaba badi bakushipa.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Shaula wakatuma bantu ku nsubu wa Davidi bua kumutentekelabo ne bua kumushihabo dinda; Mîkala, mukashi wa Davidi, wakamuambila ne, Biwahidia kusungila muoyo webe butuku ebu, hatshiabu nebakushihe.

1 Samuele 19:11 ပူးပေါင်းရင်းမြစ်များ

2 Samuele 3:13

Davide kuitaba ne: “Eyowa, ndi muanyishe bua kutua nebe ndondu. Kadi ndi nkulomba anu tshintu tshimue: bua meme kumonangana nebe, ufike ne mukajanyi Mikale, muana wa Shawule. Anu wewe mufike nende, nanku netuyukile nebe.”

Balombodi 16:2

Bena tshimenga atshi kumanya muvua Shimeshone mu nzubu mua mukaji awu. Nanku kunyungululabu nzubu. Kumualaminabu butuku bujima ku tshiibi tshia tshimenga. Kadi kabena bamuenzele bualu butuku abu to. Bivua bela meji ne: netumushipe amu dinda.

1 Samuele 19:20

Shawule kutuma kabidi bantu bua kukuata Davide. Bantu abu bamone tshisumbu tshia bambi ne mfumuabu Samuwele, bikale baja maja, bela mbila, Mueyelu wa Mvidi Mukulu kubatulukila. Kutuadijabu kuja maja, kuela mbila.

1 Samuele 20:31

Kadi, teleja bimpe. Patshidi mulumiana ewu, muana wa Ishayi ne muoyi, umanye ne: kuena mua kujadika ne newikale mukalenga to. Nanku utume diyi, bakuate Davide, bafike nende apa, bualu udi ne bua kufua.